Charkaŭ pahruziŭsia ŭ ciemru. Na dalahladzie — zaryva pažaru na CEC. Fota z TH-kanała t.me/uaeuxperts
«Udar pa infrastrukturnym abjekcie Charkava. U vyniku ŭdaru ŭ mnohich rajonach horada źnikła śviatło. Z hetaj ža pryčyny ŭ tych ža rajonach niama i vady — nie pracujuć pompy», — adznačyŭ Cierachaŭ.
Mer zaklikaŭ zachoŭvać spakoj: «Našy śpiecyjalisty i kamunalniki ŭžo pracujuć nad likvidacyjaj tych paškodžańniaŭ, što horadu nanios naš vorah».
U telehram-kanałach udakładniajuć, što ŭdar pryjšoŭsia pa CEC u Źmijevie pad Charkavam. Rakiety, jakija lacieli na CEC u Kremienčuhu, zdajecca, udałosia źbić. A voś u Dniapry byŭ prylot, videa fiksujuć społachi.
Udar byŭ naniesieny kryłatymi rakietami z akvatoryi Kaśpijskaha i Čornaha moraŭ.
Pavietranaje kamandavańnie «Uschod» zajaviła, što ŭdałosia źbić 9 rakiet z 11.
Udarami pa abjektach enierhazabieśpiačeńnia rasijskija vojski spadziajucca nie tolki złamać bajavy duch ukraincaŭ, ale i źmienšyć mabilnaść ukrainskaj armii. Rasijskaja prapahanda aktyŭna raspaŭsiudžvaje infarmacyju, što zboi ŭ elektrasietkach pryviali da spynieńnia ruchu ciahnikoŭ. Adnak ukrainskija ŚMI pišuć, što ruch ciahnikoŭ adnaviŭsia nieŭzabavie.
Za minuły tydzień ukrainskaja armija vyzvaliła bolš za 8 tysiač kvadratnych kiłamietraŭ u Charkaŭskaj vobłaści. Rasijskija intervienty sprabujuć vybudavać novuju liniju abarony pa rekach Askoł i Daniec.
Čytajcie taksama: «Cicha malicca». Rasijskija vojski adstupili z apošniaha padkantrolnaha im horada Charkaŭskaj vobłaści
