Pradaviec Hanna jašče nie paśpieła vystavić ceńniki. Ubačyła, što zahladzielisia na syr, i adrazu prapanuje pakaštavać. Nie admovilisia.
Syr miakki, a tekstura śmietankovaja. Dobra adčuvajucca travy, ale nie zasłaniajuć uvieś smak. Ci kaštavali vy syr z pažytnikam, naprykład?
Tut taksama dadadzienaja prosta ŭ syr pasiečanaja trava. Bazilik prysutničaje paŭsiul, stvarajučy śpiecyfičny traviany smak. Jon adčuvajecca na zubach. Pry hetym syr nie daŭki, a dalikatny. Pa smaku i kansistencyi nahadvaje macarełu abo syr bry.
A fijaletavy z łavandaj niama z čym paraŭnać. Raniej nie kaštavali takoje. Italjanskija travy majuć noty, ale heta biełaruskaja vytvorčaść.
Syr pryvozić «Babuškina Krynka». Hanna kaža, što hod tamu było čatyry roznych smaki, a ciapier tolki dva: «Violet» z łavandaj i «Blumarin» z bazilikam.
U składzie na pieršym miescy pasteryzavanaje małako, ale i Je536, Je-120, Je-132 z kansiervantami prysutničajuć. Mahčyma, dziakujučy hetamu i adbyvajucca źmieny.
U razrezie bačny nasyčany jarki koler i bahaćcie traŭ. A kali pačakać paru siekund, to i efiekt chamieleona možna ŭbačyć. Ad krajoŭ idzie płaŭnaje paciamnieńnie, jakoje paśla maje dalikatna-błakitny koler.
Žadajučych pakaštavać šmat. Ale tyja, chto bačać jaho ŭpieršyniu, biaruć niašmat: za 264 hramy addali 4,80 rubla, a kiło kaštuje 18 rubloŭ 20 kapiejek.
Hanna raić kuplać jak minimum 200 hramaŭ, u advarotnym vypadku možna nie ŭbačyć, jak źmianiajecca koler syru.
— Kali vy kupili siońnia i ŭviečary čakajecie haściej, to ŭsio ź im budzie dobra, ale praz tydzień chamieleon źniknie (śmiajecca). U bolšaści vypadkaŭ efiekt karotkaterminovy, — raspaviadaje pradaviec Hanna. — Ale kali voźmiecie kavałačak vahoj u 300 hramaŭ i pavoli budziecie adrazać, to efiekt nie prymusić siabie čakać.
Vykarystoŭvać možna dla hatoŭki lubych straŭ. Pieravažna kuplajuć dla syrnych talerak. Varta pamiatać — heta desiertny syr, tamu dobra padychodzić dla ŭpryhožvańnia.
Nas papiaredzili, što dalikates lepš narezać pierad samaj padačaj, kab hości bačyli źmianieńnie koleru.
Hanna ličyć, što hetaja navinka moža spadabacca nie tolki restarataram, ale i tym, chto choča ździvić svaich rodnych.
ad smaku čakała bolšaha, ale ŭsio pieravažyła chimija) čaraŭnictva. koler mianiajecca vielmi chutka paśla taho, jak adrežaš ci adkusiš. i jon vielmi nasyčany