Novaja ekaściežka vydatna padydzie dla prahułak ź dziećmi. Dla samych maleńkich naviedvalnikaŭ tut ustanoŭlenyja dziciačyja areli i horka, a ŭ najbližejšyja dni źjavicca piasočnica. Płanujecca zbudavać i viarovačny haradok.
U zonie «Vorkaŭt» raźmiaścilisia trenažory, pazajmacca na jakich moža luby žadajučy.
— Uzdoŭž ekaściežki ŭstanoŭlenaja 41 łaŭka. Dla ich vyrabu vykarystoŭvalisia tolki tyja drevy, jakija ŭpali sami z-za ŭmoŭ nadvorja. Našy majstry zmahli pryhoža abyhrać raźviłki ściažynak i vialikuju prastoru kala dziciačaj placoŭki, arhanizavaŭšy tam dadatkovyja miescy adpačynku, — raspavioŭ namieśnik kiraŭnika administracyi Partyzanskaha rajona Uładzimir Lebiedź.
Na terytoryi «Lasnoha carstva» ustanoŭleny hamak i areli. Dla amataraŭ spakojnaha praviadzieńnia času płanujecca ŭstalavać i altanku.