Alaksiej Hromaŭ
«Praciŭnik praciahvaje ŭtrymlivać akupavanyja rajony Charkaŭskaj, Łuhanskaj, Danieckaj, Zaparožskaj, Chiersonskaj i Mikałajeŭskaj abłaściej, a taksama sprabuje stvaryć spryjalnyja ŭmovy dla adnaŭleńnia nastupleńnia. Tak, rasijskija akupacyjnyja vojski ŭ čarhovy raz karektujuć svaje płany i dziejańni ŭ adpaviednaści z zahadam Pucina pa vychadzie na administracyjnyja miežy Danieckaj vobłaści da 15 vieraśnia», — skazaŭ Hromaŭ.
Dla hetaha, pavodle Hromava, Minabarony RF praciahvaje pierahrupoŭku złučeńniaŭ i voinskich čaściej treciaha armiejskaha korpusa. Jon składajecca z dobraachvotnickich padraździaleńniaŭ, nabranych u roznych rehijonach Rasii letam hetaha hoda.
Apošnim bujnym pośpiecham rasijskich vojskaŭ na Danbasie było ŭziaćcie pad kantrol ahłamieracyi Sievieradanieck — Lisičansk — Rubiežnaje i terytoryi Łuhanskaj vobłaści ŭ cełym. Heta adbyłosia ŭ pačatku lipienia.
