Zialenski ŭznaharodziŭ palitykaŭ, akcioraŭ i inšych viadomych zamiežnikaŭ, jakija padtrymali Ukrainu 2

Pra heta paviedamiŭ u «Tvitary» kiraŭnik ofisa prezidenta Andrej Jarmak.

Ordenam kniazia Jarasłava Mudraha I stupieni ŭznaharodžany premjer-ministr Italii Marya Drahi i prezident Jeŭrapiejskaj kamisii Ursuła fon der Lajen.

Siarod uznaharodžanych ordenam kniazia Jarasłava Mudraha II stupieni — dziaržsakratar ZŠA Entani Blinkien, staršynia Abjadnanaha kamiteta načalnikaŭ štaboŭ ZŠA Mark Mili, ordenam kniazia Jarasłava Mudraha III stupieni ministr zamiežnych spraŭ Litvy Habryelus Łandśbierhis.

Roznyja ŭznaharody atrymali akcioryry Šon Pen, Ben Styler, Liŭ Šrajbier i Džesika Čestejn, jakija naviedvali Ukrainu paśla pačatku rasiejskaha ŭvarvańnia 24 lutaha.

Uznaharodžanyja taksama karespandent časopisa Time Sajman Šuster, izrailski palityk Natan Ščaranski, kiraŭnik kampanii-raspracoŭnika bieśpiłotnikaŭ «Bajraktar» Chałuk Bajraktar, členy hrupy Imagine Dragons i dyzajnier Doma mody Balenciaga Demna Hvasalija.

Poŭny śpis uznaharodžanych, u jakim bolš za 110 čałaviek, źmiaščajecca va ŭkazie prezidenta Ukrainy. Biełarusaŭ u śpisie niama.

* * *

Udakładnieńnie. U pačatkovym varyjancie artykuła amierykanskaha žurnalista Sajmana Šustera pamyłkova nazyvali Savikam.

8

2

0

1

1

0

Nashaniva.com