Hod tamu Alaksandr Łukašenka paviedamiŭ pra šerah teraktaŭ, jakija nibyta praduchilili biełaruskija siłaviki: maŭlaŭ, płanavałasia pakušeńnie na Azaronka, dyviersija ŭ lashasie i vybuch na rasijskim vajskovym vuźle suviazi pad Vilejkaj. Dziaržaŭnyja ŚMI paźniej pakazali kadry zatrymańnia niekatorych ludziej, usie jany nibyta z čataŭ tak zvanych «Atradaŭ hramadzianskaj samaabarony».
Nieŭzabavie, 18 žniŭnia 2021 hoda, Viarchoŭny sud pryznaŭ arhanizacyju «Atrady hramadzianskaj samaabarony Biełarusi» terarystyčnaj, a jaje dziejnaść u Biełarusi zabaronienaj.
Usiaho pa spravie AHSB było zatrymana bolš za 10 čałaviek. Niekatoryja ŭdzielniki čataŭ AHSB paśpieli źjechać z krainy.
U Hienprakuraturu Biełarusi pieradadzienyja spravy pa abvinavačańni Natalli Maćviejevaj, Vadzima Huleviča, Kiryła Ašurka, Alaksieja Hłotava, Dźmitryja Sasnoŭskaha.
U spravie fihurujuć abvinavačańni pa 8 artykułach Kryminalnaha kodeksa, siarod jakich i vielmi ciažkija, «terarystyčnyja».
Mnohija ličać, što «Atrady hramadzianskaj samaabarony» — pravakacyjny kanał, ci kantralavany śpiecsłužbami Biełarusi ad pačatku, ci kantrol nad im byŭ u peŭny čas pierachopleny siłavikami.
