Košt jeŭrapiejskich fjučarsaŭ na pastaŭki hazu ŭ vieraśni ŭ piatnicu, 26 žniŭnia, pavialičyŭsia adrazu na 9 pracentnych punktaŭ da rekordnych 340 jeŭra za miehavat/hadzinu (u bolš zvykłym dla biełarusaŭ vymiareńni heta 3587 jeŭra za tysiaču kubamietraŭ).
Raniej «Hazpram» abviaściŭ ab prypynieńni pastavak hazu pa trubapravodzie «Paŭnočny patok» z 31 žniŭnia na try dni z pryčyny ramontnych rabot. Heta tolki ŭzmacniła strachi nakont pierśpiektyvy poŭnaha spynieńnia pastavak rasijskaha hazu ŭ Jeŭropu.
U toj ža čas kiraŭnik Niamieckaha instytuta ekanamičnych daśledavańniaŭ (DIW) Marsiel Fracšer zaklikaŭ rychtavacca da doŭhaha zachavańnia vysokich cenaŭ na pryrodny haz. «Ceny na enierhiju ŭžo nikoli nie viernucca na davajenny ŭzrovień», — skazaŭ jon u intervju radyjostancyi SWR. Na dumku Fracšera, ceny na enierhanośbity praz vajnu Rasii suprać Ukrainy buduć zastavacca na vysokim uzroŭni na praciahu piaci-siami hadoŭ, tamu ludziam treba nastrojvacca na źnižeńnie ŭzroŭniu svajho žyćcia.
