Pra heta zajaviŭ žurnalistam Alaksandr Łukašenka padčas naviedvańnia pradpryjemstva «BiełOMA».
«Bahaćcia ŭžo ŭ ich nie budzie. Nie budzie! Im ciapier daviadziecca płacić pa rachunkach i na ŭsiu katušku», — padkreśliŭ Alaksandr Łukašenka.
Rasija, adznačyŭ jon, raniej pradavała Hiermanii i inšym u ES haz na 50% tańniej, čym mahła b. Adpaviedna, FRH i inšyja krainy kvitnieli za košt hetaha.
«Ciapier durnica skončyłasia. Bolš za toje, «ukłalisia» prystojna ŭ hetuju ŭkrainskuju avanturu. Pandemija, łakdaŭny, raskidvańnie ź viertalota hrošaj. Heta ciapier usio vyłazić. Tamu prablem šmat, i bahaćcia ŭ ich, sapraŭdy, bolš nie budzie. Tamu treba raspranacca, napružvacca i pracavać», — paraiŭ Łukašenka.
Taksama jon vykazaŭsia pra jadziernuju zbroju: «Jany [krainy Zachadu] pavinny razumieć, što nijakija viertaloty, samaloty, kali jany pojduć na abvastreńnie, ich nie vyratujuć. My niekali z Pucinym u Piciery zajavili, što pieraabstalujem i biełaruskija samaloty Su-24 dla taho, kab jany mahli nieści jadziernuju zbroju. Vy što, dumajecie, my jazykom lapajem? Usio hatova!»
