Jak paviedamiła Niamieckaje ahienctva enierhietyčnych sietak (Bundesnetzagentur), na 24 žniŭnia hazavyja schoviščy Hiermanii zapoŭnienyja pryrodnym hazam na 80,65%, i hetaha abjomu dastatkova dla zabieśpiačeńnia krainy na zimu.
U ideale, enierhietyčnyja kampanii Hiermanii chacieli b da 1 kastryčnika pavialičyć abjom zapasaŭ da 85%, a da 1 listapada — da 95%. Tym nie mienš, ahienctva papiaredziła pra pavieličeńnie cany hazu i zaklikaje jaho ekanomić.
Nacyjanalnaje statystyčnaje ahienctva Vialikabrytanii paviedamiła, što ŭžo ŭ červieni 2022 hoda kraina praktyčna całkam spyniła impart enierhanośbitaŭ z Rasii — upieršyniu z momantu pačatku viadzieńnia adpaviednaj statystyki ŭ 1997 hodzie.
U 2021 hodzie Vialikabrytanija impartavała z Rasii 4,9% ad usiaho hazu, jaki spažyvajuć u krainie, i 11% — nafty. Rasijski haz kraina zamiaściła pastaŭkami ź inšych krain, jakija zdabyvajuć haz.
U červieni Jeŭrasajuz upieršyniu ŭ svajoj historyi impartavaŭ bolš zvadkavanaha hazu z ZŠA, čym trubapravodnaha hazu z Rasii. Adnak, uličvajučy maštaby impartu hazu z Rasii ŭ minułyja hady, Jeŭropa moža sutyknucca z hazavym kryzisam, kali hetaj zimoj enierhanośbity rezka padaražejuć.
