Fota: «Minsk-naviny»
Jak paviedamiła «Minsk-Navinam» hałoŭny śpiecyjalist adździeła pieršasnaj miedycynskaj dapamohi kamiteta pa achovie zdaroŭja Minharvykankama Iryna Tałkačova, pryščepki ad kavid-infiekcyi robiać z 18 žniŭnia i ŭ kramie «Chit standart» pa adrasie: vuł. Kazinca, 52-A. Siońnia ž, 19 žniŭnia, zapracujuć punkty vakcynacyi va ŭniviermahu «Biełaruś» i ŭ terytaryjalnym centry sacyjalnaha absłuhoŭvańnia nasielnictva Kastryčnickaha rajona pa adrasie: vuł. Laŭkova, 19.
Z 23 žniŭnia pryščepki ad kavid-infiekcyi płanujuć rabić u punkcie vakcynacyi na budaŭničym rynku «Uručča». A z 24 žniŭnia — u HC «Karona» na vuł. Karžanieŭskaha i ŭ miedycynskim centry «Łade» na pr. Niezaležnaści, 95.
Adkryć punkt vakcynacyi ŭ HC «Hipa» na pr. Rakasoŭskaha płanujuć 26 žniŭnia. Z 29 žniŭnia zapracujuć pryščepačnyja punkty ŭ HC «Pałaca», što na vuł. Cimirazieva, 74, i ŭ miedycynskim centry «Kravira» na vuł. Zacharava, 50-D. U apošnich čysłach žniŭnia adkryjuć punkt vakcynacyi ad COVID-19 u HC «Halereja» na pr. Pieramožcaŭ, 9.
U Minsku z 1 pa 14 žniŭnia arhanizavana 27 dadatkovych punktaŭ vakcynacyi suprać karanavirusnaj infiekcyi. Hetyja pryščepačnyja punkty pracujuć pa-za ŭstanovami achovy zdaroŭja va ŭsich rajonach horada, u tym liku ŭ bujnych handlovych centrach. U pryvatnaści, u HC «Karona» na vuł. Dzianisaŭskaj (Leninski rajon), u HC «Tytan» (Maskoŭski rajon). U HC «Maksimus» (Frunzienski rajon), u HC «Dana Moł» (Pieršamajski rajon), u HC «MOMO» (Zavodski rajon). Akramia taho, na stancyi mietro «Kavalskaja Słabada».
U lubym punkcie jość vakcyny na vybar — rasijskija «Sputnik V», «Sputnik Łajt», kitajskaja «Sinafarm». Pryščepki robiać tolki darosłym — ad 18 hadoŭ. A voś pryščepki suprać kavid-infiekcyi niepaŭnaletnim robiać tolki va ŭstanovach achovy zdaroŭja.
Darečy, apošni raz Minzdaroŭja paviedamlała ličby ab kolkaści zachvarełych na kavid na pačatku lipienia. Ciapier kanstatujecca tolki rost kolkaści zachvorvańniaŭ.
