U Niamieččynie zatrymali čatyroch biełaruskich rabotnikaŭ— nielehałaŭ
Učora supracoŭniki mytni pryjšli na budoŭlu pad horadam Zihmarynhien u ziamli Baden-Viurtembierh na poŭdni Niamieččyny. Pry ich źjaŭleńni ź placoŭki źbiehli troje z čatyroch biełaruskich plitačnikaŭ, kinuŭšy zaplečniki z pašpartami i asabistymi rečami, paviedamlaje Presseportal.
Praŭda, paźniej jany pieraapranulisia, viarnulisia i pasprabavali pierakanać mytnikaŭ, što źjaŭlajucca turystami.
Mytniki nie pavieryli i prainfarmavali mihracyjnyja ŭłady. Biełarusaŭ čakaje departacyja. Prablemy taksama ŭźnikli i ŭ polskaha pracadaŭcy: u dačynieńni da jaho raspačataje rasśledavańnie.