Ilustracyjnaje fota
«U padrychtavanym Nacyjanalnym bankam prajekcie zakanadaŭčaha akta płanujecca nadzialeńnie apierataraŭ sotavaj suviazi pravam ažyćciaŭleńnia mikrafinansavaj dziejnaści. Pry hetym ličym, što mikrafinansavańnie i ažyćciaŭleńnie apieratarami sotavaj suviazi rasterminoŭki płaciažoŭ pry kupli mabilnych telefonaŭ i inšaj techniki majuć roznuju pravavuju pryrodu i roznaje pravavoje rehulavańnie» — havorycca ŭ adkazie Nacbanka.
Ciapier dziejańnie ŭkaza №394 nie raspaŭsiudžvajecca na vypadki avansu, papiaredniaj apłaty, adterminoŭki i rasterminoŭki apłaty tavaraŭ, rabot abo pasłuh (kamiercyjnyja pazyki). Kab vyklučyć pravavuju niavyznačanaść pa hetym pytańni, u prajekt uklučanaja adpaviednaja pramaja norma.
Kali raspracavany prajekt zakanadaŭčaha akta budzie pryniaty, mikrafinansavaja dziejnaść apierataraŭ sotavaj suviazi budzie mieć niekatoruju śpiecyfiku, udakładnili ŭ Nacbanku.
Suma mikrapazyki budzie abmiežavanaja: maksimum 200 bazavych vieličyń (6400 rubloŭ) na adnaho pazyčalnika na dzień zaklučeńnia dahavora. Dla mikrafinansavych arhanizacyj hetaja suma nie moža pieravyšać 15 tysiač bazavych vieličyń (480 tysiač rubloŭ).
Mikrapazyki buduć pradastaŭlacca tolki ŭ bieznajaŭnym paradku. I ŭ adroźnieńnie ad łambardaŭ — biez abaviazkovaha zabieśpiačeńnia ŭ vyhladzie zakładu ruchomaj majomaści.
Hrošy mohuć nakiroŭvacca na spažyvieckija mety: dla nabyćcia tavaraŭ (rabot, pasłuh) IP i jurydyčnych asob, u tym liku ŭ apierataraŭ sotavaj suviazi. A taksama mikrapazyki buduć vykarystoŭvacca na inšyja mety, nie źviazanyja z pradprymalnickaj dziejnaściu pazyčalnika, albo biez metavaha pryznačeńnia.
Pavodle acenki Nacbanka, popyt na pazyki biez zakładu zastajecca vysokim, pra što śviedčyć vialikaja kolkaść abjaŭ u internecie ab pradastaŭleńni hrašovych srodkaŭ niavyznačanamu kołu asob, a taksama zvarotaŭ u Nacyjanalny bank z pytańniami zakonnaści takoj dziejnaści.
