Fota: gov.pl.
«Intervju polskich palitykaŭ svaim časopisam redka hučać za miežami Polščy. Ale kali Jarasłaŭ Kačyński razmaŭlaje z presaj, dypłamaty ŭ Brusieli ci Bierlinie taksama ŭvažliva słuchajuć. Tamu što toje, što kaža lidar kirujučaj partyi PiS, maje časta nie tolki pravakacyjny, ale i tendencyjny charaktar u polskaj palitycy», — adznačaje niamieckaje vydańnie.
«My nie ŭpisvajemsia ŭ niamiecka-rasijskija płany adnosna Jeŭropy», — skazaŭ Kačyński vydańniu «Sieci». Niezaležnaja, ekanamična, sacyjalna i vajenna mocnaja Polšča źjaŭlajecca dla ich pieraškodaj, dadaŭ jon.
«Prezident PiS u intervju abviaściŭ kurs na kanfrantacyju z Brusielem», — robić vysnovu Die Welt.
Z Polščaj pačali ličycca
«Ton takich zajaŭ […] nie źjaŭlajecca čymści novym. Adnak Polšča i Kačyński sapraŭdy majuć racyju ŭ hetym pytańni, jany mocnyja jak nikoli, bo stali centralnym aktaram u jeŭrapiejskaj palitycy», — pišuć niamieckija žurnalisty.
«Polšča z 38 miljonami žycharoŭ źjaŭlajecca adnoj z najbujniejšych krain ES. Majučy mahutnuju armiju, jakaja nieŭzabavie stanie samaj vialikaj u Jeŭropie, Polšča budzie zabiaśpiečvać abaronu ŭschodniaha fłanhu NATA», — adznačajecca ŭ časopisie.
«Polšča pieratvaryłasia ŭ centralnaha partniora palityki biaśpieki ZŠA ŭ Jeŭropie», — zajaviŭ Die Welt Michał Baranoŭski, kiraŭnik varšaŭskaha ofisa amierykanskaha analityčnaha centra German Marshall Fund.
Polšča ŭ enierhietyčnym płanie stała niezaležnaj ad Rasii, u jaje jość svoj terminał zvadkavanaha pryrodnaha hazu na ŭźbiarežžy Bałtyjskaha mora, a taksama płany raźvivać jadziernuju enierhietyku.
«Usio heta faktyčna źjaŭlajecca pieradumovami dla farmavańnia mocnaj pazicyi ŭ ES», — padkreślivaje niamieckaja hazieta.
Vajna va Ukrainie ŭzmacniła Polšču
«Z 24 lutaha miažu z Polščaj pierasiekli bolš za 5 miljonaŭ uciekačoŭ z Ukrainy. Tam jany pabačyli vialikaje žadańnie im dapamahčy. U Polščy vielmi rana zrazumieli surjoznaść situacyi, — tłumačyć Baranoŭski. — Udzieł Varšavy ŭ dapamozie ŭciekačam, a taksama pastaŭki zbroi pazityŭna źmianili imidž Polščy za miažoj».
«Akramia ekanomiki, polskaja armija taksama źjaŭlajecca faktaram upłyvu. Tamu što, kali ahresiŭnaja Rasija stvaraje pastajannuju pahrozu biaśpiecy Jeŭropy, a hetaha možna čakać navat paśla spynieńnia ahniu va Ukrainie, to Polšča maje patencyjał stać pobač z klučavym krainami ES, heta značyć, Hiermanijaj i Francyjaj», — čytajem u «Die Welt».
