Raniej Kazachstan adhružaŭ svaju naftu praz trubapravod KTK i port Navarasijska. Adnak u hetym hodzie paśla napadu Rasii na Ukrainu ŭ jaho źjavilisia prablemy z hetym maršrutam. U pryvatnaści, rasijski sud pastanaŭlaŭ spynić pracu terminała na miesiac. Paśla čaho prezident Kazachstana Takajeŭ daŭ rasparadžeńnie zapuścić alternatyŭnyja maršruty pastaŭki nafty.
Jak paviedamlaje Reuters, «Kazmunajhaz» užo viadzie pieramovy z azierbajdžanskaj kampanijaj SOCAR. Jany tyčacca prodažu 1,5 młn t kazachstanskaj nafty na hod praz transkaŭkazski trubapravod, jaki pačynajecca ŭ Azierbajdžanie i viadzie ŭ turecki port Džejchan na Mižziemnym mory.
Pavodle infarmacyi krynic ahienctva, jašče 3,5 młn t na hod Kazachstan moža pastaŭlać praz hruzinski terminał Supsa z 2023 hoda.
