«Jany pryjšli da ich, prystavili pistalety da hałavy i prosta skazali: «Vykonvajcie!». I prarabili heta z usimi kampanijami», — raspavioŭ Maksim Śmielaniec, uładalnik internet-pravajdara z Kijeva, jaki pracavaŭ u Chiersonie.
Pavodle źviestak ukrainskaha ŭrada, niekatoryja ŭkrainskija internet-pravajdery sapsavali sietki, kab nie pieradavać ich rasijskamu boku.
Jašče 29 maja Chierson zastavaŭsia padklučanym da hłabalnaha internetu, ale 1 červienia suviaź abarvałasia. Rasijskija ŭłady pieranakiravali chiersonskija mabilny i internet-trafik praz rasijskija sietki.
Tak u Chiersonie akazaŭsia zabłakavany dostup da Fejsbuka, Instahrama i Tvitara, a taksama da ŭkrainskich navinnych sajtaŭ i inšych krynic niezaležnaj infarmacyi. Ukrainskija sotavyja sietki ŭ horadzie taksama akazalisia adklučanyja, i miascovyja žychary byli vymušanyja pačać karystacca pasłuhami rasijskich mabilnych apierataraŭ.
Anałahičnaja situacyja skłałasia i ŭ inšych ukrainskich rehijonach, jakija apynulisia pad rasijskaj akupacyjaj. Žychary hetych terytoryj majuć dostup tolki da rasijskaha dziaržaŭnaha telebačańnia i radyjo, a ŭ niekatorych rajonach internet i sotavyja sietki i zusim adklučanyja.
Jak paviedamili vydańniu ŭkrainskija internet-apieratary, na niekatorych akupavanych Rasijaj terytoryjach Ukrainy ličbavaja cenzura jašče bolš žorstkaja, čym u samoj Rasii: pavodle ich źviestak, u Chiersonskaj i Danieckaj abłaściach zabłakavanyja Google, YouTube i miesiendžar Viber, jakija ŭ samoj Rasii zastajucca dastupnymi.
Pa źviestkach ukrainskich uładaŭ, pa stanie na červień kala 15% ukrainskaj internet-infrastruktury pa ŭsioj krainie było paškodžana abo źniščana. Prynamsi 11% bazavych stancyj sotavaj suviazi nie pracujuć praz paškodžańni abo adsutnaść siłkavańnia.
Z-za hetaha niekatoryja žychary akupavanych Rasijaj terytoryj akazalisia adarvanyja ad znosin sa svaimi blizkimi. Kab dapamahčy ludziam u hetych rehijonach padłučycca da hłabalnaj sietki, ukrainski ŭrad daje biaspłatny dostup da niekatorych pasłuh VPN.
A ŭ kahości ž "vorah - nie rasieja".