U svajoj štodzionnaj zvodcy amierykanski Instytut vyvučeńnia vajny analizuje paviedamleńni ab učorašnich vybuchach u Chiersonskaj vobłaści hłyboka ŭ tyle rasijskich vojskaŭ, a taksama na avijabazie ŭ anieksavanym Krymie.
Jak adznačajuć ekśpierty, Kreml nie asabliva haryć žadańniem abvinavačvać Ukrainu ŭ naniasieńni ŭdaraŭ pa rasijskich abjektach, bo heta znoŭ pakazała b nieefiektyŭnaść rasijskich sistem SPA, jak užo było ŭ vypadku sa źniščeńniem ukraincami rasijskaha fłahmanskaha krejsiera «Maskva».
Na hety momant u daśledčykaŭ niama źviestak dla niezaležnaj acenki dakładnaj pryčyny ŭčarašnich vybuchaŭ. Toje, što jany zdarylisia adnačasova na dvuch addalenych adzin ad adnaho abjektach, vidać, vyklučaje aficyjnuju rasijskuju viersiju ab vypadkovym pažary, adnak nie vyklučaje ni akta sabatažu, ni ŭdaru rakietami vialikaj dalokaści.
Na dumku ekśpiertaŭ, ukraincy ŭ pryncypie mahli madyfikavać svaje rakiety «Nieptun» dla vykarystańnia pa naziemnych celach, adnak u hety momant niama jakich-niebudź śviedčańniaŭ u padtrymku hetaj hipotezy.
