Sa Švienčenienie ŭ Maskvu jeździŭ Edzikas Jahiełavičus, jaki taksama karystajecca papularnaściu ŭ biełaruskich prapahandystaŭ, Darus Norkus i Mindaŭhas Ramoška.
Jany raspaviadali, jak drenna ciapier žyvie Litva z-za razryvu adnosin z Rasijaj i Biełaruśsiu. Akramia taho, jany dali zrazumieć, što ŭłada ŭ Litvie, mahčyma, nielehitymnaja, i ŭvieś čas padkreślivali, što ŭłada i narod — heta roznyja rečy, nibyta bolšaść naroda miarkuje, što styrno dziaržavy treba paviarnuć u inšy bok — u bok «siabroŭ» u Rasii i Biełarusi.
Šviančenienie taksama ŭdzielničała ŭ prakramloŭskaj pieradačy Solovjov Live. Praŭda, vioŭ jaje nie sam «rupar Kramla» Uładzimir Sałaŭjoŭ, a inšy viadučy.
«My ž razumiejem, što tak šmat hadoŭ byli złučanyja z ruskim śvietam u vialikim Savieckim Sajuzie. Prybałtyka, Litva — była vizitnaj kartkaj hetaj krainy», — zajaviła ŭ pieradačy Šviančenienie.
Jana taksama skazała, što try dziesiacihodździ «dzikaha kapitalizmu» i zachodnija kaštoŭnaści pa dušy daloka nie ŭsim hramadzianam krainy i zaŭvažyła, što «słavianskija partniory» nikoli nie padvodzili Litvu, a «Biełaruś i Rasija nie pradjaŭlali nijakich pretenzij i nie stvaryli nivodnaha vajennaha kanfliktu». U padobnym klučy byli i jaje dalejšyja słovy.
«Kali bačyš videa hetaha vizitu, to naprošvajucca minimum try artykuły KK, što pavinna zacikavić prakuraturu, u artykułach praduhledžanaja adkaznaść za dapamohu zamiežnym dziaržavam u dziejańniach suprać Litvy, za stvareńnie antykanstytucyjnych arhanizacyj i ŭdzieł u ich, za admaŭleńnie savieckaj ahresii suprać Litvy», — napisaŭ u Fejsbuku eks-kiraŭnik Kanstytucyjnaha suda Dajnius Žalimas.
Deputat Matas Małdejkis skazaŭ Delfi, što jon źviarnuŭsia ŭ Hienprakuraturu z nahody vykazvańniaŭ Švienčenienie.
«Z taho, što ja baču ŭ dastupnym videa, heta vidavočnyja dziejańni suprać Litvy. Heta admaŭleńnie savieckaj ahresii, heta artykuły KK. Ja źviarnuŭsia ŭ prakuraturu z prośbaj pačać rasśledavańnie», — skazaŭ deputat.
