Na hadzińniku Huber jość vyjava svastyki, a taksama vyhraviravanyja inicyjały Hitlera «AH», piša BBC.
U apisańni hadzińnika zaznačajecca, što jaho mahli padaravać Hitleru na dzień narodzinaŭ u 1933 hodzie, kali jon staŭ kancleram Hiermanii.
U mai 1945 hoda reč zabrali ŭ jakaści suvieniru francuzskija sałdaty padčas šturmu Bierhchofa, hornaha majontka Hitlera.
Paśla jaho pierapradali, a ŭłaśniki pieradavali naščadkam u spadčynu.
U adkrytym liście, jaki padpisali 34 jaŭrejskija lidary, prodaž nacysckich rečaŭ nazvali ahidnym i zaklikali źniać łoty z aŭkcyjonu.
Rabin Mienachiem Marholin, kiraŭnik Jeŭrapiejskaj jaŭrejskaj asacyjacyi, skazaŭ, što aŭkcyjon «sadziejničaje tym, chto idealizuje toje, što adstojvała nacysckaja partyja».
Niahledziačy na rozhałas i abureńni jaŭrejaŭ, aŭkcyjonny dom Alexander Historical Auctions, jaki ŭžo raniej pradavaŭ rečy nacystaŭ, zajaviŭ, što jaho metaj źjaŭlajecca źbieražeńnie historyi.
«Niezaležna ad taho, dobraja hetaja historyja ci drennaja, jaje treba zachavać, — zajaviła staršy vice-prezident aŭkcyjonnaha doma Mindzi Hrynštejn. — Kali vy źniščycie historyju, nie zastaniecca dokazaŭ taho, što hetyja padziei adbylisia».
U dakumientach, pradstaŭlenych aŭkcyjonnym domam, havorycca, što jon nie moža dać dokazaŭ taho, što Hitler sapraŭdy nasiŭ hadzińnik. Ale ekśpiertyza, praviedzienaja niezaležnym śpiecyjalistam, pakazała, što aksesuar «vierahodna» naležyć jamu.
