Fota: AP
Biržavaja cana hazu na pačatku tarhoŭ na placoŭcy ICE Futures ŭźlacieła vyšej za $2300 za tysiaču kubamietraŭ. Košt žnivieńskaha fjučarsa na chabie TTF ŭ Niderłandach vyras na 10,6%, dasiahnuŭšy €221 za 1 MVt*h, ci amal $2352 za tys. kub. m z ulikam biahučaha kursu jeŭra da dalara na rynku Forieks, śviedčać danyja biržy ICE.
Na takich uzroŭniach haz handlujecca ŭ Jeŭropie ŭpieršyniu z 8 sakavika 2022 hoda.
25 lipienia kampanija «Hazpram» paviedamiła, što z 27 lipienia budzie spynienaja hazavaja turbina na kampresarnaj stancyi «Partovaja» hazapravoda «Paŭnočny patok» z-za zakančeńnia terminu mižramontnaj napracoŭki da kapitalnaha ramontu. Takim čynam, abjom prapampoŭki hazu skarocicca ŭ dva razy — z 67 młn da 33 młn kubamietraŭ na sutki, abo prykładna da 20% ad płanavaj mahutnaści trubapravoda.