Paciarpiełymi pa hetaj spravie prachodziać piać čałaviek, paviedamlaje rmf24.pl
Paviedamlajecca, što ŭ bojcy, akramia biełarusa, udzielničali dvoje mužčyn — 40 i 59 hadoŭ. 40-hadovaha abvinavačvajuć va ŭdziele ŭ źbićci, a 59-hadovaha — u źbićci, jakoje pryviało da śmierci. U minułym jon prafiesijny baksior, pryčym źbiraŭsia źbiehčy z horada, u čym jamu dapamoh 27-hadovy znajomy, adnak praź niekatory čas mužčyna ŭsio ž byŭ zatrymany supracoŭnikami palicyi.
59-hadovy napadnik zatrymany, u dačynieńni da 40-hadovaha prakuror užyŭ mieru strymańnia ŭ vyhladzie palicejskaha nahladu i paručalnictva, u dačynieńni da 27-hadovaha abvinavačanaha — tolki palicejski nahlad. Im zabaroniena nabližacca da paciarpiełych i śviedak.
Zabojstva adbyłosia 22 lipienia, kala 3 hadzin nočy minaki znajšli cieła 29-hadovaha biełarusa biez prykmiet žyćcia na vulicy Śviatoha Jana ŭ centry Krakava. Zahinuły žyŭ i pracavaŭ u Polščy apošnija niekalki hadoŭ. Pryčyna napadu pakul nieviadomaja.
