Fota: AFP
Akramia bahaćcia ježy, źmienie ptušynych pavodzin spryjaje źmianieńnie klimatu: zimy na Piryniejskim paŭvostravie ciapier stali bolš miakkimi.
U mnohich ispanskich haradach, takich jak Pinta i Alkała-de-Enares ŭ vakolicach Madryda, u apošnija dziesiacihodździ źjavilisia vielizarnyja śmietniki, dzie ptuški kruhły hod mohuć znajści sabie ježu. Na kožny śmietnik štodnia pastupaje ad 200 da 300 ton charčovych adchodaŭ, i busły adrazu nakiroŭvajucca ŭ zony, «dzie jość śviežaje śmiećcie». Rabočyja, jakija pracujuć na śmietnikach, kažuć, što heta ŭžo nieadjemnaja rysa łandšaftu tam.
Fota: AFP
Pierapis 2020 hoda, praviedzieny arhanizacyjaj SEO Birdlife, vyjaviŭ u Ispanii 36217 biełych busłoŭ. U hety lik uvachodziać ptuški, jakija naradzilisia ŭ Ispanii, a taksama busły z paŭnočnych jeŭrapiejskich krain — Danii, Hiermanii i Niderłandaŭ. Mnohija ź ich tak i nie viartajucca na radzimu, a zastajucca ŭ Ispanii.
Ci jość siarod biełych ptušak na ispanskich śmietnikach vychadcy ź Biełarusi ci susiednich krain — aŭtary artykuła nie zhadvajuć.
i ŭ tyj momant ja chacieła čuć tolki cišyniu... ale "na žal" majstar trapiłasia havarkaja... ale ŭ vyniku jejny raspovied spadabaŭsia mnie
jana kazała, jak chadziła ŭ vychodnyja ŭ les pa hryby, stamiłasia i prysieła na pianiok. jak raptam joj u plačo niechta dzioŭb! i adnačasova jana adčuvaje niejki smurod. u žachu pavaročvaje hałavu, aaa taaam
usiaho tolki busieł. brudny i śmiardziučy.
ja skazała joj, što na žal zaraz voś tak. bo busły na śmietnicach charčujucca
a jana rasčaravana: a heta ž byŭ simvał naš...