Fota: unsplash.com / Håkon Sataøen
Heta situacyja moža być adnoj z pryčyn, jakija zaachvocili Uładzimira Zialenskaha ŭčora źniać z pasady ŭkrainskaha ambasadara ŭ Bierlinie Andreja Mielnika.
Vydańnie piša, što jość jašče adna pryčyna niervovaści prezidenta Ukrainy ŭ hetyja hadziny: padazreńnie, što ŭrad Bierlina rychtujecca faktyčna parušyć niekatoryja sankcyi suprać Maskvy, kab adnavić pastaŭki rasijskaha hazu pa trubapravodach Nord Stream.
Ideja dapamohi ŭ pamiery 9 miljardaŭ dalaraŭ była paćvierdžana ŭsimi lidarami Jeŭrapiejskaha Sajuza ŭ kancy maja. Prajekt praduhledžvaje kredyty Kijevu, jakija padlahajuć pahašeńniu praz 25 hadoŭ i faktyčna biespracentnyja. Ale Hiermanija, najbujniejšy i samy salidny z harantaŭ hetaj formy jeŭraablihacyj, piarečyć.
Ministru finansaŭ Bierlina libierału Kryścijanu Lindneru nie padabajecca, što Brusiel źviartajecca da ahulnaha jeŭrapiejskaha doŭhu va ŭkrainskim kryzisie paśla taho, jak zrabiŭ heta padčas pandemii. Na ciapierašni momant niamiecki mieniedžar daŭ zhodu tolki na pieršy tranš u adzin miljard, srodki ad jakoha pavinny być vypłačanyja Kijevu da lipienia. Miž tym čas idzie, Kijeŭ śćviardžaje, što jamu patrebna dapamoha ŭ pamiery 5 miljardaŭ dalaraŭ u miesiac, i vykazvaje hipotezu, što ŭ vieraśni Ukraina abjavić defołt pa terminie pahašeńnia źniešniaha doŭhu ŭ pamiery 900 miljonaŭ jeŭra.
Bolš składanym źjaŭlajecca pytańnie ab hazie, pryznačanym dla Niamieččyny. Rasijski «Hazprom» abvieściŭ ab pieršym skaračeńni pastavak na Nord Stream na 60%, zatym druhim da 90% aficyjna ŭ pieryjad z 11 pa 21 lipienia, prapanoŭvajučy techničnaje tłumačeńnie: hazapravod u rasijskaj častcy pracuje ź mienšymi tempami, tamu što jamu nie chapaje turbiny Siemens, užo adpraŭlenaj na ramont u Hiermaniju i nie viernutaj z-za sankcyj.
Błakavańnie technałahičnych i pramysłovych zapasnych častak ličycca samaj efiektyŭnaj zbrojaj u rukach Jeŭropy dla pasłableńnia Rasii i jaje režymu. Tym časam Siemens adpraviŭ turbinu «Hazprama» dla ramontu ŭ Kanadu, jakaja faktyčna ŭtrymlivała jaje ŭ adpaviednaści z sankcyjami.
Dva dni tamu adbyłasia reč, jakaja pryviała Zialenskaha ŭ lutaść, piša vydańnie: ministr ekanomiki Robiert Chabiek, lidar zialonych, zapatrabavaŭ i viarnuŭ turbinu z Kanady ŭ Niamieččynu, daŭšy vyraznyja prykmiety taho, što jon choča adpravić jaje nazad u Rasiju. «Kali dla Kanady jość jurydyčnaja prablema, ja prašu, kab turbina była adpraŭlenaja nie ŭ Rasiju, a da nas. My vymušanyja prasić pra heta ź ciažkim sercam, — skazaŭ Chabiek. — Nam patrebnyja mahutnaści Nord Stream dla papaŭnieńnia zapasaŭ hazu».
Žurnalisty miarkujuć: «Kali heta nie padrychtoŭka hleby dla parušeńnia sankcyj, kali Bierlin budzie schilny paddacca na enierhietyčny šantaž Maskvy, to, padobna, vielmi blizka da hetaha».
