Fota: dbr.gov.ua
Z 24 lutaha ŭ rasijskich i biełaruskich kampanij, jakija pracavali ŭ Kijevie, aryštavali 9,4 tysiač ton hazavaha kandensatu, 94 młn kubamietraŭ pryrodnaha hazu i 1,1 tysiač tonaŭ nafty. Pra heta raskazaŭ kiraŭnik Kijeŭskaj haradskoj prakuratury Aleh Kipier.
Taksama ciapier pad aryštam znachodziacca 808 čyhunačnych vahonaŭ, 79 račnych sudnaŭ, čatyry asfaltabietonnyja zavody, 53 transpartnyja srodki, 87 adzinak budaŭničaj i sielskahaspadarčaj techniki, karparatyŭnyja pravy 8 kampanij, 250 bankaŭskich rachunkaŭ 23 kampanij, vosiem ziamielnych učastkaŭ i 36 abjektaŭ nieruchomaści.
Košt hetaj majomaści aceńvajecca ŭ 7,9 młrd hryŭniaŭ (prykładna 270 miljonaŭ dalaraŭ).
Sudy pryniali rašeńni ab pieradačy majomaści va ŭłasnaść dziaržavy na sumu zvyš 3,5 młrd hryŭniaŭ, pa astatniaj majomaści chadajnictvy razhladajucca.
Prakurory rekamiendavali ŭkrainskaj čyhuncy vykarystoŭvać aryštavanyja vahony, pakul budzie znojdzieny kiraŭnik. Aryštavanuju techniku i aŭtamabili pieradaduć ukrainskamu vojsku.
