Siało Byšaŭ pad Kijevam paśla rasijskaha napadu. Fota: AP
Ab hetym zajaviŭ prezident Uładzimir Zialenski padčas zvarotu ŭ NATA, paviedamlaje RBK-Ukraina.
Jon ličyć, što Rasija płanuje całkam źniščyć ukrainskija harady, abstrelvajučy ich ź ciažkaha ŭzbrajeńnia. RF užo robić heta na ŭschodzie i poŭdni Ukrainy.
«Dla čaho heta? Dla čaho bomby? Dla čaho tatalnyja artyleryjskija ŭdary? Rasijskaja armija robić usio, kab jak maha bolš ludziej pakinuli harady. Kab nie było ničoha, akramia ruinaŭ. A tady tak zvanaja «druhaja armija śvietu» zachodzić u hetyja harady — užo pustyja i miortvyja. I jana nie choča spyniacca na Danbasie abo dzieści na poŭdni Ukrainy», — adznačyŭ prezident.
Zialenski zajaviŭ, što Rasija choča pašyryć miežy, ličyć svajoj ułasnaściu byłyja respubliki SSSR. Pa jaho słovach, pad udaram mohuć być krainy Bałtyi, Małdova i Polšča.
«Jana (Rasija) horad za horadam choča pahłynuć tak usich u Jeŭropie, kaho kiraŭnictva Rasii ličyć svajoj ułasnaściu, a nie niezaležnymi dziaržavami. Heta — sapraŭdnaja meta Rasii. Pytańnie — chto nastupny dla jaje? Małdova? Krainy Bałtyi? Polšča? Adkaz — usie jany. Mety Rasii viadomyja. Jany vidavočnyja. Rasijskaje kiraŭnictva bačyć śviet pa-inšamu. Nie tak, jak vy. Jany hladziać, naprykład, na Litvu — nie jak na člena vašaha aljansu, a jak na Respubliku Savieckaha Sajuza. Dla nas jana byłaja respublika SSSR, dla nas heta minułaje, a jany jaje razhladajuć jak mahčymuju budučuju, jany znoŭ chočuć jaje paniavolić», — rastłumačyŭ prezident.
Lidar Ukrainy pieraściaroh členaŭ NATA, što na praciahu hoda situacyja moža pahoršycca, što pryviadzie da «realnaha pravału» aljansu. Pakolki pad udaram Rasii mohuć apynucca ŭdzielniki abaronnaha sajuza.
