Fota: AP
Zajavu ab novym razhortvańni sił ZŠA ŭ Jeŭropie zrabiŭ amierykanski lidar Džo Bajden.
«U niejki momant Pucin parušyŭ mir u Jeŭropie… ZŠA i ich sajuźniki aktyvizujucca, dakazvajučy, što NATA bolš patrebnyja, čym kali-niebudź, i važniej, čym kali-niebudź», — skazaŭ Bajden.
Tak, ZŠA pryniali rašeńnie:
— u Polščy stvaryć pastajanny štab 5-ha armiejskaha korpusa;
— u Rumynii razharnuć dadatkovuju ratacyjnuju bryhadu;
— u Vialikabrytanii razharnuć dźvie dadatkovyja eskadrylli F-35;
— u krainach Bałtyi palepšyć ratacyju vajskoŭcaŭ;
— u Ispanii razharnuć 2 dadatkovych eśmincy VMF (u vyniku kolkaść eśmincaŭ pavialičyłasia z 4 da 6);
— u Hiermanii i Italii razharnuć dadatkovuju PRA.
U Madrydzie z 28 pa 30 červienia prachodzić samit NATA, na jakim Rasiju chočuć pryznać pahrozaj kalektyŭnaj biaśpiecy.