«Apaviaščajem vas, što płaciažy na karyść klijentaŭ bankaŭ-nierezidentaŭ Respubliki Biełaruś z udziełam arhanizacyj hrupy Alfa-Bank i AKB «Kapitałbank» (Uźbiekistan) u dalarach ZŠA i jeŭra buduć adchilacca bankam u suviazi z unutranaj palitykaj RBI», — takoje paviedamleńnie atrymlivajuć klijenty banka pry sprobie ździejśnić pieravod na rachunak biełaruskaha Alfa-Banka.
Pad RBI u paviedamleńni majecca na ŭvazie Raiffeisen Bank International, daččynaja kampanija jakoha źjaŭlajecca asnoŭnym bienieficyjarnym ułaśnikam Pryjorbanka.
ZAT «Alfa-Bank» naležyć mižnarodnamu finansavamu kansorcyumu «Alfa-hrup». U krasaviku rasijski Alfa-Bank trapiŭ pad błakujučyja sankcyi ZŠA. Mieniedžmient biełaruskaj dački ličyć, što hetyja sankcyi nie raspaŭsiudžvajucca na biełaruski bank.
