Fota: Fotodom
«U Madrydzie, pierad pačatkam samitu NATA, my praviali hruntoŭnuju sustreču z prezidentam Turcyi Redžepam Taipam Erdahanam i premjer-ministram Šviecyi Mahdalenaj Andersan pry sadziejničańni hienieralnaha sakratara NATA Jensa Stołtenbierha.
U vyniku ministry zamiežnych spraŭ padpisali trochbakovy miemarandum, jaki paćviardžaje, što Turcyja na madrydskim samicie na hetym tydni padtrymaje zaprašeńnie Finlandyi i Šviecyi stać členami NATA. Detalovyja kroki pa našamu ŭstupleńniu ŭ NATA buduć uzhodnienyja na praciahu nastupnych dvuch dzion», — havorycca ŭ paviedamleńni.
U toj ža čas hienieralny sakratar NATA Jens Stołtenbierh abviaściŭ, što Turcyja, Šviecyja i Finlandyja padpisali sumiesny miemarandum pa pytańniach, jakija turbavali Turcyju. Abiedźvie paŭnočnajeŭrapiejskija krainy, maŭlaŭ, pahadzilisia supracoŭničać z Turcyjaj, kab spryjać jaje biaśpiecy i heta adkryła darohu abodvum krainam u NATA.
Stołtenbierh abviaściŭ, što ŭ ramkach pahadnieńnia Ankara damahłasia ad Šviecyi i Finlandyi abiacańnia ab ekstradycyi abvinavačanych joj u teraryźmie mihrantaŭ nazad u Turcyju.
«Ekstradycyja — heta vysakarodnaja reč, jakuju robiać sajuźniki pa NATA ź ludźmi, asudžanymi za terarystyčnuju aktyŭnaść», — padkreśliŭ Stołtenbierh. Sam jon u svajoj zajavie nazvaŭ Rabočuju partyju Kurdystana terarystyčnaj arhanizacyjaj.
U svaju čarhu, kancylaryja tureckaha prezidenta paviedamiła, što atrymała abiacańni kankretnych krokaŭ pa ekstradycyi asob, jakija abvinavačvajucca ŭ teraryźmie, a taksama admienie embarha na supracoŭnictva ŭ śfiery ŭzbrajeńniaŭ z boku krain Paŭnočnaj Jeŭropy.