«Z palapšeńniem epidemijałahičnaj situacyi i admienaj abmiežavańniaŭ na pieramiaščeńnie hramadzian Biełaruś nieadnarazova prapanoŭvała adnavić mižnarodnyja pasažyrskija pieravozki, ale biezvynikova», — paviedamlaje ministerstva.
Mintrans adznačaje, što da pandemii na pieravozki ź Litvoj, Łatvijaj i Polščaj prypadała kala 20% usich mižnarodnych pasažyrskich pieravozak Biełarusi. U 2019 hodzie abjom pieraviezienych pa čyhuncy pasažyraŭ u spałučeńni ź Litvoj dasiahaŭ 380 tysiač čałaviek, z Polščaj — 225 tysiač, Łatvijaj — 20 tysiač.
Ciapier ža ź Minska da Vilni, Varšavy i Ryhi možna dabracca aŭtobusam, i pasažyrapatok pa hetych napramkach pastajanna pavialičvajecca. Taksama Ministerstva adznačaje, što paśla ŭviadzieńnia biaźvizavaha režymu dla žycharoŭ Litvy i Łatvii raście zapyt na spałučeńnie ź Biełaruśsiu z boku žycharoŭ Jeŭrasajuza.