Žartoŭnaja hutarka pačałasia z taho, što premjer-ministr Vialikabrytanii Borys Džonsan, siadajučy za stoł, spytaŭ inšych, što jamu rabić ź pinžakom: zastacca ŭ im ci lepš źniać, pieradajuć žurnalisty ahienctva «Frans-Pres».
Premjer-ministr Kanady Džaścin Trudo adkazaŭ, što lepš dačakacca aficyjnaj sumiesnaj fatahrafii, a potym užo zdymać pinžaki.
«Ale ž my pavinny pakazać, što my bolš krutyja, čym Pucin», — adhuknuŭsia Džonsan, na što Trudo prapanavaŭ: «Tady treba zładzić demanstracyju hołych torsaŭ padčas vierchavoj jazdy», — majučy na ŭvazie aficyjnuju fotasiesiju Pucina na pryrodzie, jakaja stała hłabalnym miemam u 2009 hodzie.
«Vierchavaja jazda — najlepšaje, što jość na śviecie», — pahadziłasia kiraŭnik Jeŭrakamisii Ursuła fon der Lajen, nie zhadvajučy pra formu adzieńnia.
U vyniku suśvietnyja lidary sfatahrafavalisia ŭ pinžakach, a potym pačalisia abmierkavańni surjoznych temaŭ, dziela jakich jany i pryjechali na samit u Bavaryi. Žurnalisty paśla taho musili pakinuć pamiaškańnie.