16 červienia stała viadoma, što siłaviki adpuścili na volu staršyniu Biełaruskaha niezaležnaha prafsajuza, vykanaŭcu abaviazkaŭ staršyni Biełaruskaha kanhresa demakratyčnych prafsajuzaŭ Maksima Paźniakova.
«Jaho sustrakali pradstaŭniki BNP «Naftan» Volha Brycikava i Nina Barysava. Prakuror papiaredziŭ — paśla troch pravaparušeńniaŭ na praciahu hoda, a Maksimu ŭžo pradjaŭlenyja dva abvinavačańni, buduć kryminalnyja spravy», — havorycca ŭ paviedamleńni BKDP.
Paźniakoŭ adbyŭ dva 15-sutačnyja administracyjnyja aryšty. Jaho zatrymali 17 maja ŭ Navapołacku. Paźniakovu pastavili ŭ vinu toje, što na jahonym avatary ŭ Fejsbuku byŭ ściah Ukrainy i zaklik «Za niezaležnaść».
18 i 19 krasavika pa krainie prakaciłasia chvala zatrymańniaŭ aktyvistaŭ niezaležnaha prafsajuznaha ruchu. Tady byli zatrymanyja kala 15 čałaviek. Mnohija znachodziacca za kratami.
