Padčas sustrečy piaci lidaraŭ dziaržaŭ u Kijevie. Fota Ofisa prezidenta Ukrainy
Makron naviedaŭ Ukrainu razam z kancleram Hiermanii Ołafam Šolcam, premjer-ministram Italii Maryjo Drahi i prezidentam Rumynii Kłaŭsam Jochanisam. Jany sustrakalisia z prezidentam Ukrainy Uładzimiram Zialenskim.
«My ŭsie čaćviora padtrymlivajem nieadkładny status kandydata ŭ členy. Hety status budzie supravadžacca darožnaj kartaj, a taksama ŭklučać pryniaćcie pad uvahu situacyi na Bałkanach i prylehłych terytoryjach, u pryvatnaści ŭ Małdovie», — zajaviŭ Makron.
Tym časam u jeŭrapiejskaj presie pišuć, što suprać terminovaha nadańnia Ukrainie statusa kandydata vystupajuć Niderłandy i Danija. Jany ličać, što Ukraina pakul nie hatovaja da hetaha. U pryvatnaści, joj jašče treba šmat zrabić u śfiery budaŭnictva pravavoj dziaržavy i ŭ baraćbie z karupcyjaj.
U toj ža čas prychilniki takoha kroku miarkujuć, što jon budzie maralnaj i palityčnaj padtrymkaj achviary rasijskaj ahresii.