Pa viersii viedamstva, małady čałaviek źviazaŭsia z administratarami «ekstremisckaha» tielehram-kanała, u jakim publikujuć asabistyja danyja siłavikoŭ i ich blizkich, i prapanavaŭ svaju dapamohu.
Paźniej jon zrabiŭ na sajcie arhanizacyi knopku, «funkcyja jakoj zaklučałasia ŭ vyvadzie infarmacyi dla druku».
Kanstancin Rudnicki byŭ zatrymany siłavikami ŭ śniežni 2021 hoda, «pakajannyja» videa ź im źjavilisia ŭ praŭładnych telehram-kanałach.
Śledčy kamitet śćviardžaje, što padčas pieratrusu ŭ brastaŭčanina kanfiskavali noŭtbuk, dzie vyjavili fajły, «stvoranyja dla ažyćciaŭleńnia funkcyi druku», a ŭ źmieścivie koda znajšli kamientaryi abvinavačanaha, u jakich jon tłumačyŭ pracu koda.
Jak piša viedamstva, Rudnicki padčas dopytu skazaŭ, što całkam razumieŭ niezakonnaść dziejańniaŭ administrataraŭ sajtaŭ, ale spadziavaŭsia na pryvatnaść.
Suprać maładoha čałavieka raspačali kryminalnuju spravu ab dapamozie ŭ niezakonnym raspaŭsiudžvańni piersanalnych danych siłavikoŭ dla prymianieńnia hvałtu (častka 6 artykuła 16 i artykuł 364 KK) i dla ŭździejańnia na siłavikoŭ (častka 6 artykuła 16 i artykuł 365 KK).
Taksama chłopca abvinavačvajuć u dapamozie ŭ niezakonnym raspaŭsiudžvańni piersanalnych źviestak słužbovych asob dla ŭžyvańnia hvałtu (častka 6 artykuła 16 i častka 1 artykuła 366 KK) i dla ich abrazy (častka 6 artykuła 16 i artykuł 369 KK).
Akramia taho, Rudnicki prachodzić i pa artykule ab dapamozie ŭ niezakonnym raspaŭsiudžvańni infarmacyi pra pryvatnaje žyćcio i piersanalnyja źviestki inšych asob bieź ich zhody, što paciahnuła pryčynieńnie im škody (Častka 6 artykuła 16 i častka 3 artykuła 203-1 KK).
Razhlad spravy Kanstancina Rudnickaha pačniecca 13 maja ŭ sudzie Maskoŭskaha rajona Bresta.
