Śviatłana Cichanoŭskaja daje intervju Ruskaj słužbie «Hołasu Amieryki» 29 krasavika 2022 hoda ŭ Vašynhtonie
Uzmacnieńnie sankcyj i dalejšaja izalacyja režymu Łukašenki ŭ Biełarusi, bolšaja dapamoha hramadzianskaj supolnaści i ŚMI, padtrymka miedykaŭ i biełaruskich dobraachvotnikaŭ, jakija vajujuć na baku ŭkrainskaha naroda suprać rasijskich vojskaŭ — da hetaha ŭ Vašynhtonie amierykanskich palitykaŭ zaklikała lidar biełaruskaj apazicyi Śviatłana Cichanoŭskaja.
U ekskluziŭnym intervju Ruskaj słužbie «Hołasu Amieryki» Cichanoŭskaja raskazała, što pryjechała na cyrymoniju pachavańnia dziaržsakratara ZŠA Madlen Ołbrajt, ź jakoj sustrakałasia pry jaje žyćci, i praviała sustrečy ź niekalkimi sienatarami i členami Pałaty pradstaŭnikoŭ, uklučajučy śpikierku Nensi Piełosi, a taksama — z pradstaŭnikami Rady nacyjanalnaj biaśpieki ZŠA.
«Ja dała novuju infarmacyju pa Biełarusi i raspaviała im pra našu stratehiju, jak atrymać pieramohu nad Łukašenkam; naša stratehija hruntujecca na źniasileńni režymu Łukašenki», — skazała jana.
Jak śćviardžaje Cichanoŭskaja, jana prapanavała pradstaŭnikam amierykanskaha isteblišmientu ŭvieści bolš mocnyja sankcyi suprać režymu Łukašenki.
Jany pavinny być takimi ž mahutnymi, jak i sankcyi suprać Rasii, ale adroznymi pa svajoj struktury.
Na jaje dumku, režym Łukašenki pavinien być całkam vydaleny z usich mižnarodnych arhanizacyj, kab jaho hołas nie hučaŭ na mižnarodnaj arenie.
Taksama, pavodle paviedamleńnia CNN,
Cichanoŭskaja raskazała žurnalistam, što padčas sustrečy z vysokapastaŭlenymi amierykanskimi čynoŭnikami jana pieradała dakumienty z dokazami ŭdziełu Łukašenki ŭ vajnie suprać Ukrainy, a taksama pieralik kampanij i krain, jakija dapamahli abyści sankcyi.
Pa jaje słovach, heta «masavyja dokazy zapusku rakiet z našaj terytoryi, pieramiaščeńnia rasijskaj techniki pa terytoryi Biełarusi».
«Heta ŭnutranaja infarmacyja pra niejkija rasparadžeńni ab raźmiaščeńni na našaj terytoryi roznaj rasijskaj vajskovaj techniki», — patłumačyła Cichanoŭskaja CNN.
«Tak, ludzi źbirali hetuju infarmacyju na praciahu ŭsiaho pieryjadu vajny. Jana dobra dakumientavanaja, i my pieradali hetyja dokazy ŭradu».
Havoračy pra sustreču z prezidentam Ukrainy Uładzimiram Zialenskim u intervju «Hołasu Amieryki», Cichanoŭskaja skazała, što razumieje, čamu jana tak i nie adbyłasia. Zialenski nie chacieŭ sustrakacca ź joj da pačatku vajennaha kanfliktu, kab nie spravakavać Łukašenku dać terytoryju svajoj krainy dla ŭvarvańnia rasijskich vojskaŭ va Ukrainu, što ŭ vyniku i adbyłosia.
Z pačatkam kanfliktu, skazała Cichanoŭskaja, apazicyja Biełarusi ŭzmacniła svajo supracoŭnictva z ukrainskaj uładaj i hramadzianskaj supolnaściu i płanuje adkryć u Kijevie pradstaŭnictva.
Jak kaža lidar biełaruskaj apazicyi, padčas sustreč u Vašynhtonie jana zaklikała amierykancaŭ akazvać vialikuju padtrymku Ukrainie.
«Ja padtrymlivaju Ukrainu, i kali ŭkraincy prosiać pra peŭny ryštunak, vajskovuju dapamohu, to treba jaje dać, tamu što Ukraina zmahajecca nie tolki za svaju dziaržavu.
Jana zmahajecca za demakratyčnyja kaštoŭnaści, za niezaležnaść, a biełarusy zmahajucca pobač ź imi za svaju niezaležnaść taksama».