Adzin sa słavackich MiH-29. Fota: Ministerstva abarony Słavakii
Ministr abarony Polščy Maryjuš Błaščak skazaŭ, što polskija samaloty F-16 mohuć zabiaśpiečyć abaronu Słavakii z bazaŭ na terytoryi Polščy. Palaki, darečy, užo dapamahajuć abaraniać krainy Bałtyi ŭ ramkach apieracyi NATA pa patrulavańni pavietranaj prastory.
Maje vialikaje značeńnie čas hetaj zajavy — paśla sustrečy dvuch ministraŭ u Bracisłavie. Pra heta naŭprost nie havaryłasia, ale miarkujecca, što kroki pa adpraŭcy prynamsi niekatorych słavackich MiHaŭ va Ukrainu razhladajucca vielmi surjozna.
U Słavakii ŭ ahulnym liku jość dvanaccać MiH-29, jakija bazujucca na avijabazie Ślijač. Praŭda, nie zusim zrazumieła, jakaja ciapierašniaja bojehatoŭnaść hetych źniščalnikaŭ, jakija na Zachadzie ličacca sastarełymi.
