Jaho abvinavacili pa art. 370 Kryminalnaha kodeksa (ździek ź dziaržaŭnych simvałaŭ) za toje, što zapościŭ «UKantaktie» malunak dziaržaŭnaha ściaha na fonie svastyki. Spravu razhladała sudździa Alesia Sieradzienka, paviedamlaje «Viasna».
Zhodna ź viersijaj abvinavačvańnia, Dźmitryj Pancialejka ŭ kastryčniku 2021 hoda z dapamohaj noŭtbuka raźmiaściŭ u dvuch akaŭntach «VKontaktie» malunak dziaržaŭnaha ściaha Respubliki Biełaruś, na fonie jakoha była raźmieščana svastyka. Hetyja dziejańni kvalifikavali jak ździek ź dziaržaŭnych simvałaŭ.
Dziaržabvinavačvańnie zaprasiła dla Pancialejki pakarańnie ŭ vyhladzie pazbaŭleńnia voli na termin adzin hod z adbyvańniem u papraŭčaj kałonii va ŭmovach ahulnaha režymu. Mienavita takoje pakarańnie i pryznačyła sudździa Sieradzienka. Taksama ŭ Dźmitryja kanfiskavali noŭtbuk Asus jak srodak ździajśnieńnia złačynstva.
