U Ministerstvie zamiežnych spraŭ rašuča asudzili ahresiju suprać Ukrainy i šmatlikija złačynstvy Rasii, zaklikaŭšy Maskvu nieadkładna spynić bajavyja dziejańni i vyvieści rasijskija vojski z terytoryi Ukrainy, a taksama nieadkładna zabiaśpiečyć šlachi evakuacyi nasielnictva i dastaŭki humanitarnaj dapamohi.
Pasolstva Rasii ŭ Charvatyi paćvierdziła, što MZS krainy zapatrabavaŭ vyvieści častku supracoŭnikaŭ. «Paćviardžajem vyklik pasła [Andreja Nieściarenki] u MZS i atrymańnie noty z patrabavańniem vyvieźci niekalki rasijskich dypłamataŭ z krainy», — skazali RIA «Novosti» ŭ dypmisii.
Raniej ab vysyłcy rasijskich dypłamataŭ abviaściŭ šerah jeŭrapiejskich krain — Polšča, Hiermanija, Francyja, Italija, Ispanija, Łatvija i Litva.