Pa statystycy, izrailskaja sistema «Žalezny kupał» zdolnaja źniščyć 90% rakiet. Fota: Amir Cohen, Reuters
Rasiejskaja rakieta «Iskander», zapuščanaja z Kalininhradskaj vobłaści, dalacić da Bierlina za piać chvilin. Niamieckija vajskoŭcy papiaredžvajuć: Hiermanija znachodzicca ŭ zonie dasiažnaści ŭsich važnych rasijskich rakietnych sistem i nie maje sistemy procirakietnaj abarony.
Nieŭzabavie heta moža źmianicca. Jak paviedamlaje Bild, kancler Ołaf Šolc i jaho ŭrad razhladajuć mahčymaść stvareńnia supraćrakietnaha ščyta nad Hiermanijaj. Šolc razhladaje mahčymaść nabyć u izrailcian ich «Žalezny kupał». Jon nakryŭ by ŭsiu terytoryju krainy.
Na minułym tydni kamandujučy niamieckaj armijaj Ebierchard Corn sustreŭsia z kancleram, jany abmiarkoŭvali płany madernizacyi Bundeśviera ŭ ramkach pakieta na 100 miljardaŭ jeŭra, abiacanaha Šolcam. Razmova taksama viałasia ab supraćrakietnym ščycie i rakietach «Arrow 3».
Miarkujecca, što sistema budzie pracavać nastupnym čynam: radary, razhornutyja ŭ troch miescach u Hiermanii, buduć pieradavać dadzienyja na kamandny punkt u Uedemie kala Dziusieldorfa.
Adtul za situacyjaj kruhłasutkava buduć sačyć sałdaty niamieckich VPS. Kali radar zafiksuje rakietnuju ataku, to z adnoj z puskavych ustanovak raźmieščanych pa ŭsioj krainie zapuskajecca rakieta «Arrow 3», jakaja pierachopić rakietu ŭ kosmasie i źniščyć jaje tam.
Košt takoha ščyta składaje 2 miljardy jeŭra. Sistema budzie hatovaja da ekspłuatacyi ŭžo ŭ 2025 hodzie. Pieravaha hetaj sistemy ŭ tym, što radary mohuć achoplivać Polšču, Rumyniju i krainy Bałtyi. Hetym krainam treba tolki nabyć rakiety «Arrow 3», a Hiermanija zabiaśpiečyć im dostup da infarmacyi z radaraŭ. Rašeńnie ab achoŭnym ščycie jašče nie pryniata, ale deputat Andreas Švarc, jaki źjaŭlajecca dakładčykam pa biudžecie Bundeśviera ŭ biudžetnym kamitecie Bundestaha, skazaŭ u intervju Bild: «Nam treba być lepš abaronienymi ad pahrozy z boku Rasiei. Dla hetaha patrebny supraćrakietny ščyt. Dobrym rašeńniem źjaŭlajecca izrailskaja sistema Arrow 3. My taksama možam raaspaŭsiudzić «Žalezny kupał» na našych susiedziaŭ. Takim čynam, my adyhrajem klučavuju rolu ŭ biaśpiecy Jeŭropy».
Izrail na siońnia — adzin ź lidaraŭ pa vytvorčaści supraćrakietnych kompleksaŭ. Terarystyčnyja hrupoŭki pieryjadyčna atakujuć Izrail rakietami, Iran, jaki maje ŭ svaim arsienale i balistyčnyja, i kryłatyja rakiety, nie adnojčy pahražaŭ źniščyć hetuju krainu.
U takich umovach Izrail stvaryŭ šmatuzroŭnievuju sistemu abarony ad rakiet, u jakuju, aproč «Žaleznaha kupała», uvachodzić sistema «Prašča Davida», rakiety Arrow 3 i Arrow 2. Zaraz dośvied Izraila budzie vykarystoŭvacca dla abarony Jeŭropy.
Rakiety, puščanyja ź Biełarusi, trapili ŭ naftabazu ŭ Łucku
Rasija zapuściła rekordnuju kolkaść rakiet pa Ukrainie, ale ich amal usie źbili
Rasija ŭžyła va Ukrainie hipierhukavuju zbroju. Što jana saboj ujaŭlaje?
