Papa Rymski Francišak. Fota: AR.
Mer Kijeva Vitalij Kličko napisaŭ Papie Rymskamu Francišku list z zaprašeńniem naviedać ukrainskuju stalicu. Na dumku Kličko, prysutnaść suśvietnych relihijnych lidaraŭ u Kijevie — kluč da vyratavańnia žyćcioŭ ludziej i ruchu da miru jak u samim horadzie, tak i va Ukrainie i va ŭsim śviecie, piša ncronline.com.
U liście, dostup da jakoha atrymali žurnalisty, skazana, što kali asabisty vizit pantyfika niemahčymy, možna było b chacia b zładzić videakanfierencyju z ukrainskim bokam. Mahčyma, adnym z udzielnikaŭ takoj kanfierencyi moh by stać ukrainski prezident Uładzimir Zialenski.
Kličko zaklikaje pantyfika padtrymać Ukrainu ŭ ciažki čas: «My prosim vas jak duchoŭnaha lidara prademanstravać vaša spačuvańnie i być salidarnym z ukrainskim narodam praz sumiesny zaklik da mira».
Pres-słužba Vatykana paćvierdziła atrymańnie lista i raspaviała ŭ zajavie, što Papa Rymski Francišak prymaje vielmi blizka «pakuty horada, jaho žycharoŭ, tych, chto byŭ vymušany adtul źjechać, i tych, chto im kiruje».
Chto ž prydumaŭ markiroŭku litaraj Z dla rasijskaj vajskovaj techniki
Patron — talisman čarnihaŭskich piratechnikaŭ FOTA
