Padpałkoŭnik Maksim Kryštap, namieśnik kamandujučaha 47-ha bambardzirovačnaha avijacyjnaha pałka, v/č 45117, raspavioŭ, što pra budučyja bajavyja dziejańni va Ukrainie im daviali ŭ studzieni.
«Paśla hetaha pačaŭsia padvoz na aeradrom bojeprypasaŭ, avijacyjnych srodkaŭ paražeńnia, paralelna z hetym my pačali treniroŭki. Aficyjna heta pravodziłasia jak padrychtoŭka i ŭdzieł u sumiesnych rasijska-biełaruskich vučeńniach.
Bajavy zahad pra naniasieńnie ŭdaraŭ pa terytoryi Ukrainy pryjšoŭ u častku 23 lutaha z 18:00 da 20:00, dalej kamandzir pałka addaŭ zahad ab naniasieńni ŭdaraŭ pa terytoryi Ukrainy z 24 lutaha, — pieraličaje vajskoviec. —
Pieršy svoj bajavy vylet vykanaŭ 24 lutaha 2022-ha pa paražeńni žyvoj siły praciŭnika paŭdnioviej Bałaklei. Bombamietańnie ažyćciaŭlaŭ fuhasnymi avijacyjnymi bombami ahulnaj masaj try tony.
U pracesie vykanańnia zadačy zrazumieŭ, što metaj źjaŭlajucca nie vajskovyja abjekty, a žyłyja damy, ale złačynny zahad ja vykanaŭ.
Paśla bambavańnia byŭ źbity srodkami supraćpavietranaj abarony Ukrainy. Paśla pryziamleńnia byŭ uziaty ŭ pałon vajskoŭcami z Nachvardyi Ukrainy».
Padpałkoŭnik paprasiŭ prabačeńnia va ŭsiaho ŭkrainskaha narodu za tuju biadu, što prynios. Taksama źviarnuŭsia da vajskoŭcaŭ uzbrojenych siłaŭ RF, kab tyja nieadkładna spynili vykanańnie złačynnych zahadaŭ i bambavańnie mirnych haradoŭ.
«Liču, što hetuju vajnu my prajhrali», — skazaŭ Kryštap.
Major marskoj avijacyi Alaksiej Hałavienski ździajśniaŭ raźviedvalnyja vylety i byŭ źbity ŭ niebie nad Mikałajeŭskaj vobłaściu.
«Majo kiraŭnictva prosta adpraviła mianie jak nažyŭku na stopracentnuju śmierć.
I miarkujučy pa źbitych samalotach VKS Rasii, ab hetym [efiektyŭnaj pracy ŭkrainskaj supraćpavietranaj abarony] nie kazali nikomu. Cupraćpavietranaja abarona (SPA) na terytoryi Ukrainy pracuje vydatna. Navošta nas adpraŭlajuć jak miasa — niezrazumieła», — pramoviŭ Hałavienski.
Va Ukrainie jon užo siem dzion. Pa jaho słovach, staviacca da jaho narmalna.
«Naša kamandavańnie, adpraŭlajučy nas na bajavy vylet, nie prainfarmavała ab tym, što na terytoryi Ukrainy, a mienavita ŭ Mikałajeŭskaj vobłaści, znachodziacca srodki SPA, — śviedčyŭ i kapitan marskoj avijacyi Alaksiej Kazłoŭ. — To-bok zaviedama pasłała na viernuju śmierć. To-bok vykarystoŭvała nas jak nažyŭku. Palot na žyŭca.
Kapitan marskoj avijacyi Alaksiej Kazłoŭ
Chaču źviarnucca da ŭzbrojenych siłaŭ RF, lotnamu składa VKS i VMF, nie vykonvajcie złačynnych zahadaŭ svajho kiraŭnictva. Vykannanie hetych zahadaŭ viadzie da razbureńnia infrastruktury Ukrainy, źniščeńnia haradoŭ, sioł. Padumajcie, čym raniej my spynim hetuju vajnu, tym raniej spynicca hibiel mirnych žycharoŭ».
Lotčyki VKS zajavili, što hatovyja ŭziać udzieł u adbudovie razbomblenych haradoŭ Ukrainy.
