Kvietki kala ambasady Ukrainy ŭ Minsku, 27 lutaha 2022 hoda
«Ja nie maju maralnaha prava ni zaklikać vas, ni spyniać, ale ja liču svaim abaviazkam u takoj situacyi padtrymać luby aktyŭny sposab baraćby. Pamiatajcie, što ŭ vas jość zakonnaje prava na samaabaronu, pamiatajcie, što vy majecie prava abaraniać svaju krainu i svoj suvierenitet», — skazała jana.
Hety jaje zaklik źviazany z prapanovami samich hramadzian pierachodzić da bolš rašučych dziejańniaŭ.
«Z 18:00 źbirajciesia razam i prychodźcie abo pryjazdžajcie da vakzała svajho horada. Kali ruch budzie zabłakavany siłavikami, stanaviciesia ŭ vielizarnyja čerhi ŭ abmieńniki, jany buduć ciahnucca pa centry horada da pryvakzalnaj płoščy», — prapanavała demakratyčnaja lidarka.
Niehladziačy na niaspynnyja represii, biełarusy vyjšli ŭčora na samyja masavyja paśla pačatku 2021 hoda akcyi salidarnaści z Ukrainaj i pratestu suprać vajny. Samaja šmatlikaja akcyja adbyłasia kala Minabarony ŭ Minsku, dzie ludzi skandavali «Nie vajnie!» i «Słava Ukrainie!».
Tysiačy ludziej u centry Minska pratestavali suprać vajny. Kala Minabarony skandavali «Nie vajnie!», a taksama «Słava Ukrainie!»
