Krainy Jeŭrasajuza pryniali rašeńnie pryniać novy pakiet sankcyj u adkaz na pryznańnie Rasijaj niezaležnaści samaabvieščanych Łuhanskaj i Danieckaj «narodnych respublik». Pra heta zajaviŭ kiraŭnik dypłamatyi Jeŭrasajuza Žazep Barel.
Novyja sankcyi, jakija «mocna ŭdarać pa Rasiei», byli adnahałosna adobranyja ŭsimi krainami ES, adznačyŭ Barel.
Sa słoŭ Barela, u sankcyjny śpis uklučanyja 27 fizičnych i jurydyčnych asob, u tym liku banki i arhanizacyi, jakija finansujuć apieracyi Rasii na Danbasie, a taksama 351 deputat Dziarždumy, jaki prahałasavaŭ za niezaležnaść «DNR» i «ŁNR».
Jeŭrasajuz taksama pryniaŭ rašeńnie abmiežavać dostup Rasii da finansavaha rynku i rynku kapitału Jeŭrasajuza.
Nakolki hetyja sankcyi buduć dla Rasii balučymi, a adpaviedna efiektyŭnymi, možna budzie skazać tolki kali stanuć całkam viadomyja ich padrabiaznaści.
Biełaruś pakul tolki papiaredzili. Ale aficyjny Minsk, pavodle słovaŭ Barela, u vypadku padtrymki dziejańniaŭ Rasii taksama atrymaje novyja sankcyi.
