Kamisija taksama krytykuje niedastatkovuju pracu parłamienta pry raspracoŭcy źmienaŭ u Kanstytucyju, nieprazrystaść pracesu raspracoŭki papravak, adsutnaść supracoŭnictva pamiž uładami i hramadzianskaj supolnaściu i apazicyjaj, vymušanaj pakinuć krainu.
Kamisija ličyć, što ŭ takich vypadkach refierendum pieratvarajecca ŭ plebiscyt i vykarystoŭvajecca jak srodak lehitymizacyi aŭtarytarnych tendencyj. Adznačajecca, što papraŭki dazvalajuć prezidentu i dalej kancentravać uładu ŭ svaich rukach i navat jašče bolš uzmacnić svajo stanovišča.
«Vieniecyjanskaja kamisija ličyć, što prajekt papravak, prapanavany na refierendum 27 lutaha 2022 hoda, nie vypraŭlaje mocny dysbałans halin ułady, jaki isnuje pry dziejnaj Kanstytucyi, i moža navat pahoršyć jaho.
Choć prapanavanyja instytucyjnyja źmieny varta ŭ cełym aceńvać niehatyŭna, heta nie značyć, što kanstytucyjnaja reforma ŭ Biełarusi nie patrebnaja abo niepažadanaja. Naadvarot, Vieniecyjanskaja kamisija zaprašaje ŭłady pravieści kanstytucyjnuju reformu, jakaja vypravić najaŭny dysbałans halin ułady i prapanuje prymalnuju sistemu strymak i procivahaŭ, u tym liku z zachavańniem pracedury źmieny Kanstytucyi ŭ adpaviednaści ź mižnarodnymi standartami», — dajuć zaklučeńnie ekśpierty.
Vieniecyjanskaja kamisija — kansultatyŭny orhan pa kanstytucyjnym pravie pry Saviecie Jeŭropy. Ekśpierty Kamisii analizujuć zakony i zakonaprajekty dziaržaŭ-udzielnic, jakija zakranajuć prablemy kanstytucyjnaha prava. Biełaruś — asacyjavany člen Kamisii.
Čytajcie taksama:
Pra samy demakratyčny refierendum u śviecie
Karpienka patłumačyŭ, čamu nie apublikavali proźviščy členaŭ kamisij. Jość novyja šmatabiacalnyja viersii
Pajšoŭ rehistravacca naziralnikam na refierendumie i… źnik
«Mabilnyja hrupy» z byłych śpiecnazaŭcaŭ na čas refierendumu farmuje pałkoŭnik Paŭličenka. Heta ideja Karpiankova
