Naminalny kiraŭnik samaabvieščanaj Danieckaj narodnaj respubliki Dzianis Pušylin.
Pa słovach Pušylina, «u pieršuju čarhu evakuacyi padlahajuć žančyny, dzieci i ludzi stałaha ŭzrostu». Evakujavanych raźmieściać u Rastoŭskaj vobłaści.
Kiraŭnik DNR taksama zajaviŭ, što prezident Ukrainy Uładzimir Zialenski ŭ najbližejšy čas addaść vajskoŭcam zahad ab pačatku nastupu ŭ Danbasie i ŭvarvańnia na terytoryju «DNR» i «ŁNR». Pa słovach Pušylina, Uzbrojenyja siły Ukrainy hatovyja da siłavoha zachopu Danbasa.
Taksama kiraŭnictva ŁNR zaklikała žycharoŭ respubliki «ŭ samyja karotkija terminy vyjechać na terytoryju Rasii».
Ukraina raniej nie raz zajaŭlała, što nie źbirajecca viartać Krym i ŭschod Danbasa siłaj, a raźličvaje tolki na dypłamatyju.
Kiraŭnictva krain Zachadu, a taksama raźviedki krain NATA ad vosieni papiaredžvali pra mahčymy napad Rasii na Ukrainu pad pretekstam abarony rasiejskamoŭnych žycharoŭ Danbasa. Rasija skancentravała na miežach Ukrainy, u tym liku i na terytoryi Biełarusi, kala 150 tysiač vajskoŭcaŭ i pieradavyja sistemy ŭzbrajeńniaŭ, siarod jakich rakietnyja kompleksy «Iskander», avijacyja i supraćpavietranyja kompleksy S-400.
ŚMI paviedamlali taksama ab masavym prybyćci bajcoŭ rasijskich pryvatnych vajennych kampanij u Danbas.
