U jakaści dadatkovaha stymulacyjnaha faktaru była nazvanaja prysutnaść na sustrečy namieśnika staršyni Baranavickaha haradskoha vykanaŭčaha kamiteta, jaki adkazvaje za ekanomiku (źmianieńnie padatkovaha zakanadaŭstva — adna z hałoŭnych tem, jakija turbujuć siońnia IP).
Zakančvałasia paviedamleńnie, raźmieščanaje ŭ čacie handlovaha centra, pierakanaŭčaj prośbaj prysutničać usim. Paśla ŭdakładniajučaha pytańnia ab asnoŭnaj temie sustrečy była paznačanaja i jana — «Kanstytucyja».
Darečy, z bolš jak čatyroch dziasiatkaŭ udzielnikaŭ hrupy ŭ pryznačany čas na sustreču pryjšli kala dvaccaci čałaviek.
Ihar Chłabukin raskazaŭ prysutnym, čamu naśpieła nieabchodnaść unieści źmieny ŭ asnoŭny zakon krainy, uspomniŭšy niadaŭnija padziei ŭ Kazachstanie, a taksama ŭžo krychu pryzabytyja va Ukrainie i Hruzii kanca minułaha stahodździa. I padsumavaŭ, što źmieny patrebnyja, kab zachavać stabilnaść u krainie, nie pajšoŭšy pa šlachu vyšejpieraličanych krain, i supraćstajać źniešnim, unutranym pahrozam i… karanavirusu.
Akramia taho, deputat raskazaŭ i pra niekatoryja płanavanyja źmieny, padzialiŭsia svaim dvuchtydniovym vopytam abmierkavańnia prajekta Kanstytucyi ŭ inšych pracoŭnych kalektyvach.
— Kali narod prahałasuje za novuju Kanstytucyju — budziem žyć pa joj, nie — zastaniemsia žyć pa staroj, — skončyŭ svaju pramovu Ihar Chłabukin, zaklikaŭšy ŭsich pryjści na ŭčastki dla hałasavańnia i vybrać svoj varyjant z dvuch prapanavanych.
Dalej pavinny byli pajści adkazy na pytańni tych, chto sabraŭsia.
Prysutnyja ž u bolšaści svaim čakali źmieny śpikieraŭ, kab, jak było zajaŭlena ŭ paviedamleńni ŭ čacie, abmierkavać źmieny ŭ padatkaabkładańni. Adnak namieśnica staršyni Baranavickaha harvykankama słova tak i nie ŭziała.
A adzinym pytańniem, zadadzienym padčas sustrečy deputatu parłamienta, stała prapanova ab likvidacyi Usiebiełaruskaha narodnaha schoda.
— Navošta nam naohuł patrebny hety UNS? — zapytaŭsia adzin z prysutnych. — Pahladziš na hety schod — dyk jany tam prosta śpiać.
Ihar Chłabukin padziakavaŭ za pytańnie i vykazaŭsia pra niedapuščalnaść takich pavodzin z boku delehataŭ UNS.
Užo paśla taho, jak niekatoryja z udzielnikaŭ schodu syšli na svaje pracoŭnyja miescy (pracoŭny dzień handlovaha centra da taho času ŭžo pačaŭsia), deputatu Pałaty pradstaŭnikoŭ było zadadziena jašče niekalki pytańniaŭ.
— Da jakoj haliny ŭłady možna adnieści Usiebiełaruski narodny schod?
Ihar Chłabukin: VNS nie stanie čaćviortaj uładaj.
— Kali VNS budzie vyrašać niejkija pytańni, to chto ich budzie akumulavać?
Ihar Chłabukin: Hetym budzie zajmacca Prezidyum Usiebiełaruskaha narodnaha schoda.
— Dzie možna adsočvać źmieny ŭ prajekt novaj Kanstytucyi? A mienavita: što było prapanavana źmianić, što było razhledžana i jakoje rašeńnie pa hetaj prapanovie było pryniataje.
Ihar Chłabukin: Kančatkovy prajekt źmienaŭ budzie apublikavany na Nacyjanalnym pravavym partale.
Akramia taho, na sustrečy Ihar Chłabukin parekamiendavaŭ prysutnym udzielničać u dobraŭparadkavańni horada i krainy, stvarać hramadskija arhanizacyi, jakija buduć zajmacca rašeńniem nadzionnych pytańniaŭ dobraŭparadkavańnia.
— Dyk hramadskija arhanizacyi ciapier likvidujuć, a vy prapanujecie ich stvarać, — zaŭvažyli z zały.
Ihar Chłabukin: U nas u krainie ciapier aktyŭna pracujuć bolš za 150 hramadskich arhanizacyj, naprykład, Sajuz žančyn, Sajuz vieteranaŭ… Dumaju, potym buduć jašče stvaracca. Ciapier heta idzie pierazahruzka… Naprykład, kali vy zachočacie dobraŭparadkavać niejki ŭčastak horada, to možacie źviarnucca ŭ BRSM, tam vam dapamohuć i padkažuć, jak heta zrabić, —rastłumačyŭ Chłabukin.
«Kucharka abo kłoŭn nie pavinny pretendavać na vysokuju pasadu». Sierhiejenka ahučyŭ «narodnyja» prapanovy ŭ Kanstytucyju
Ci zmoža prezident zajmać pasadu staršyni UNS? Nie, nie zmoža. Ale Łukašenka — zmoža
Łukašenka pra pryniaćcie novaj Kanstytucyi: Kali ŭžo ščyra, to mnie hety praces absalutna nie patrebny
