Fota: truba71.gmail.com / depositphotos.com
Turecki prezident adznačyŭ, što Ukraina — nie zvyčajnaja kraina, Ukraina — mocnaja dziaržava.
«Dla pryniaćcia takoha kroku ŭ Maskvie pavinny praanalizavać situacyju ŭ śviecie i ŭnutry krainy», — skazaŭ Erdahan, pavodle tureckaha ahienctva Anadołu. Taksama jon paviedamiŭ, što abmiarkuje situacyju va Ukrainie z prezidentam Azierbajdžana Ilchamam Alijevym, jaki napiaredadni znachodziŭsia ź vizitam u Kijevie.
Prezident Turcyi padkreśliŭ, što ŭ sučasnym śviecie imknieńnie da akupacyi čužych ziamiel nie pryviadzie da pažadanaha vyniku.
«Naprykład, jakija kroki zrabiła Rasija va Ukrainie, u Krymie? Jana ŭvarvałasia ŭ Krym. Padčas kožnaj hutarki z Pucinym ja zajaŭlaju, što Turcyja suprać akupacyi Kryma. Hetuju ž pazicyju davodzić da rasijskaha boku źniešniepalityčnaje viedamstva Turcyi. Heta značyć, pazicyja Turcyi pa hetym pytańni adnaznačnaja», — skazaŭ Erdahan.
Raniej turecki prezident prapanoŭvaŭ svajo pasiarednictva ŭ rasijska-ŭkrainskim kanflikcie. A ŭ śniežni 2021-ha ministr zamiežnych spraŭ Dmytro Kuleba anansavaŭ, što Erdahan u pačatku 2022 hoda pryjedzie ź vizitam va Ukrainu.
