Dva hady tamu mužčyna pieravioz biarviony z zakinutych siadzib u susiedniaj vioscy: z časam mieŭ namier parezać ich na drovy. Kali piłavaŭ adno ź biarvionaŭ, raptam ź siaredziny dreva vykaciłasia na śnieh jarka rasfarbavanaja draŭlanaja statuetka Isusa Chrysta.
Vyjemka ŭ drevie dla raźmiaščeńnia statuetki, zrazumieła, była zroblena śpiecyjalna. Staražyły śćviardžajuć, što raniej u vioscy było šmat pažaraŭ, i tamu, uzvodziačy damy i haspadarčyja pabudovy, ludzi zakładvali ŭ padmurki, ścieny abo dachi svojeasablivyja abiarehi ad ahniu. Mabyć, taki abiareh i znajšoŭ miascovy žychar. Ciapier maleńkaja śviatynia zaniała pačesnaje miesca ŭ novym domie i, vierać haspadary, hetak ža budzie abierahać ad złoha i ich žytło.
0
0
0
0
0
0
