Hamina byŭ u vyšuku 20 hadoŭ. Z 1998 hoda jon adbyvaŭ pažyćciovy termin, ale ŭ 2002-m źbieh z turmy padčas zdymak filma ŭ papraŭčaj ustanovie. Sicylijskaja palicyja vyśvietliła, što Hamina chavajecca ŭ Ispanii, ale nie mahła vyznačyć jaho dakładnaje miescaznachodžańnie.
Pravaachoŭniki vysačyli ŭciekača z dapamohaj Google Street View. Na zdymku lipienia 2018 hoda jany zaŭvažyli dvuch mužčyn, jakija stajać kala kramy «Sad Manu» ŭ Hałapahary. Palicyja paličyła, što adzin ź ich moža być Hamina.
Paźniej supracoŭniki natknulisia na abjavu susiedniaha z kramaj restarana «Kuchnia Manu» i znajšli na fejsbuk-staroncy ŭstanovy fatahrafiju Hamina ŭ formie šef-kuchara. Akazałasia, što paśla ŭciokaŭ mužčyna źmianiŭ imia, ažaniŭsia, uładkavaŭsia na pracu ŭ ispanski restaran i adkryŭ mahazin sadaviny i aharodniny.
Hamina adpraviać u Italiju dla adbyvańnia pažyćciovaha źniavoleńnia za zabojstva, niezakonny abarot narkotykaŭ i inšyja złačynstvy, źviazanyja ź sicylijskaj mafijaj.