Kadr ź sieryjała. U centry Emili (źleva) i Pietra
Ukrainka Pietra (Darja Pančanka) źjaŭlajecca ŭ čaćviortaj sieryi. Jana vyłučajecca na fonie hałoŭnaj hieraini Emili (Lili Kolinz) sastarełymi ŭborami, makijažam i ŭkładkaj. Pietra kradzie vopratku z kramy, baicca departacyi i razmaŭlaje pa-francuzsku z mocnym akcentam, časam pierachodziačy na ŭkrainskuju.
«Takimi buduć bačyć ukraincaŭ za miažoj? Jakija kraduć, chočuć atrymlivać usio biaspłatna, bajacca departacyi? Tak nie pavinna być», — napisaŭ Tkačenka ŭ svaim telehram-kanale.
Netflix u liście ŭ adkaz paabiacali ŭ 2022 hodzie «być u ciesnym kantakcie, kab praduchilić padobnyja vypadki», paviedamiŭ čynoŭnik.
Akramia ministra, svaju niezadavolenaść vobrazam dziaŭčyny z Ukrainy vykazali karystalniki sacsietak.
«<…> Vy pakazvajecie ŭkrainskuju žančynu jak asobu biez hustu i pačućcia ŭłasnaj hodnaści. Durnaja, «ciomnaja» zładziejka. Vy surjozna? Takaja hańba dla [prajekta] takoha maštabu. I heta adbyvajecca [ŭ momant], kali jość tak šmat talenavitych ukraincaŭ, jakija ŭpłyvajuć na suśvietny rynak technałohij, mody, mastactva, ustojlivaha raźvićcia, navuki, sportu», — napisała ŭkrainskaja błohierka Jaŭhienija Haŭryłka.
Šmat chto z ukrainskich karystalnikaŭ pakinuŭ niehatyŭnyja kamientaryi pra sieryjał na aficyjnaj staroncy Netflix.
Ministr kultury Ukrainy paźniej zajaviŭ, što ŭ Netflix adkazali na jaho pretenzii.
«Adkaz Netflix na moj list adnosna vobrazu ŭkrainki ŭ sieryjale «Emili ŭ Paryžy» dastatkova dypłamatyčny. Padziakavali za zvarotnuju suviaź. Ale pra zaniepakojenaść ukrainskich hledačoŭ vobrazam ukrainki pačuli. Damovilisia, što ŭ 2022 hodzie budziem u bolš ciesnym kantakcie, kab praduchilić padobnyja vypadki. Takaja aktyŭnaja hramadskaja pazicyja dakładna budzie spryjać tamu, kab pry dalejšym pakazie piersanažaŭ ukrainskaj nacyjanalnaści ŭ budučych zdymkach Netflix było ŭličana staŭleńnie ŭkraincaŭ», — skazaŭ Tkačenka.
«Sama scena — balučy vypad: my bačym vielmi pravilnuju Emili i nie nadta razumnuju dziaŭčynu z Ukrainy, jakaja kryčyć, što jaje departujuć. Heta ksienafobija, padkreślivańnie nacyjanalnaści čałavieka ŭ admoŭnym kantekście. Mnie zdajecca, ciapier amierykancy ŭ dačynieńni da mieksikancaŭ abo puertarykancaŭ takoha sabie ŭžo nie dazvolili b, bo ich abvinavacili b u nietalerantnaści. A Ukraina daloka, tamu možna», — skazała ŭ kamientaryi vydańniu Wonderzine piśmieńnica Irena Karpa, jakaja žyvie ŭ Paryžy.
Karpa dadała, što z francuzaŭ u amierykanskich sieryjałach taksama ździekujucca, «ale francuzy z hetaha śmiajucca, tamu što jany nie traŭmavanaja nacyja, jak my».
Niekatoryja ž prapanavali nie tak surjozna ŭsprymać toje, što adbyvajecca ŭ sieryjale.
«Emili ŭ Paryžy» raniej užo krytykavali za stereatypny vobraz nacyi. Pieršamu siezonu dastałasia ad žycharoŭ Francyi — na dumku mnohich, jon składajecca z kliše pra Paryž i jaho žycharoŭ.
Francuzy pakazvajucca hrubymi ludźmi, jakija nie lubiać pracavać, pastajanna platkarać i časta zdradžvajuć partnioram.
A ŭ novym siezonie źjaŭlajecca Ałfi — stereatypny brytaniec, jaki bavić čas u pabach i za prahladam futboła.
Stvaralnik šou Daren Star apraŭdvaŭsia, što zychodziŭ z ułasnaha vopytu žyćcia ŭ Paryžy i chacieŭ, kab hledačy palubili horad hetak ža, jak palubiŭ jaho jon.
