Vinšavańnie Śviatłany Cichanoŭskaj
31 śniežnia ŭ 23.46 pa biełaruskim časie lidarka demsiłaŭ Śviatłana Cichanoŭskaja ŭžo tradycyjna pačnie padsumoŭvać vyniki hoda i vinšavać biełarusaŭ z Novym hodam na svaim jutub-kanale.
…i Siarhieja Cichanoŭskaha
Svajo vinšavańnie da Novaha hoda paplečnikam z-za krataŭ pieradaŭ i Siarhiej Cichanoŭski. Jaho płanujuć ahučyć na kanale «Kraina dla žyćcia» ŭ 23.34 pa biełaruskim časie.
Biełaruski miuzikł
Vinšavańnie Śviatłany Cichanoŭskaj budzie taksama dublavacca na jutub-kanale «Biełsata». Ale śviatočnaja prahrama pačniecca tam jašče raniej. A 21:25 kamanda abiacaje satyryčnuju prahramu «Łukavyja naviny», a ŭžo ŭ 22.00 — pieradaču «Žestačajšy mult». Mienavita humaram kanał prapanoŭvaje dadatkova zmahacca z dyktaturaj.
Paśla biełarusy zmohuć acanić novy miuzikł «Viartańnie dadomu» z udziełam viadomych viadučych i akcioraŭ — Kaciaryny Vadanosavaj, Dzianisa Dudzinskaha, kupałaŭca Michasia Zuja.
Miuzikł budzie aktualny mnohim biełarusam, što vymušanyja ciapier žyć za miažoj, ale ahułam jon pra adno zapavietnaje žadańnie na ŭsich. Tut ža zajaŭlenyja hurt «Raźbitaje serca pacana», Anastasija Špakoŭskaja, Juryj Stylski i inšyja.
Roŭna apoŭnačy biełarusam prapanujuć razam praśpiavać himn «My vyjdziem ščylnymi radami». A potym čakajucca archiŭnyja padborki i videanarezki. U tym liku cudoŭny minułahodni miuzikł pra čynoŭnikaŭ «ČynČyny ŭ krainie cudaŭ».
Prahrama dla dzietak
Za dziciačym kantentam (dy i što tam kazać — darosłym, kali vy lubicie mulciki i kazki) 31 śniežnia možna naviedacca na jutub-kanał «Bejbus».
U 20.30 tam abiacajuć kultavy šviedski mult «Mama Mu, Krumkač i Kalady», a taksama premjeru dvuch novych kaladnych vieršaŭ palitviaźnia, redaktara «Našaj Nivy» Andreja Skurko.
Interaktyŭny efir ad «Małanki»
Kamanda «Małanki» płanuje sustrakać Novy hod u pramym efiry, pačynajučy z 22.00: lepšyja klipy biełaruskich artystaŭ 2021 hoda, jarkija ŭspaminy i miemy buduć papiaredničać prahnozam ad analitykaŭ na 2022 hod.
Hierojam 2021-ha buduć uručanyja virtualnyja premii, a sapraŭdnyja padarunki — mierč ad «Małanki» — mohuć vyjhrać usie hledačy, kali vykanajuć interaktyŭnaje zadańnie.
Taksama na kanale budzie admysłovaje pryśviačeńnie represavanym miedyja i salut roŭna ŭ 23:34. Tut taksama pakažuć zvarot Śviatłany Cichanoŭskaj.
«Navahodni special» na kanale «Hodna»
Nievialikaja śviatočnaja prahrama ŭ farmacie ciopłych moładzievych pasiadziełak u bary płanujecca z 17.00.
Pakul vy budziecie narazać sałaty, zorki biełaruskamoŭnaha TikTok Liza i Mikita zaprasili svaich siabroŭ i kaleh, kab zhadać dobraje, abmianiacca nadziejami, padzialicca śviežymii pieśniami.
U efiry źjaviacca Andruś Takindanh, Siarhiej Bašłykievič, hurt «Baču ŭpieršyniu» i muzyčnaje adkryćcio hoda: śpiavačka Iva Sativa.
Navahodnie-analityčnaja pieradača ad čynoŭnikaŭ Siarhieja Mikałajeviča i Mikałaja Siarhiejeviča
«U navahodnim «ČinČinČasie» Siarhiej Mikałajevič i Mikałaj Siarhiejevič adkažuć na chvalujučyja vas pytańni i zadaduć kurs našamu z vami karablu, jaki idzie na dobrym jakary poŭnym chodam! Pažadańni, pieśni i tosty pa DASTie — tolki ŭ nas u «ČinČinČasie»» — mienavita tak apisvaje padrychtavanuju pieradaču ŭžo ŭpadabany biełarusami duet čynoŭnikaŭ-eks-kupałaŭcaŭ — Dźmitryja Jesianieviča i Michasia Zuja. U ralach taksama — viadomaja vykanaŭca «Ščučynščyny» Alena Zuj-Vajciachoŭskaja i inšyja zornyja biełarusy.
Premjera adbudziecca ŭ 22.00 pa Minsku na jutub-kanale «čynoŭnikaŭ».
Kinošnaja alternatyva
Kali vam nie pa dušy lubyja navahodnija ahańki, zaŭsiody možna pryśviacić viečar-noč dobramu kino.
Vydatna prajścisia pa kłasicy ad «Ź lohkim param», «Mocnaha areška», da «Hremlinaŭ» i «Drennaha Santy». Ci možacie skarystacca našaj nietypovaj padborkaj kaladnych stužak.
Urvać kvitok na adnu z kulturnych padziej
Kali vy nie lubicie siadzieć doma i ŭpeŭnienyja ŭ svajoj abaronienaści suprać kavidu, zazirnicie ŭ miascovuju afišu. Pry najaŭnaści kvitkoŭ možna zavitać u pryśviatak, naprykład, na navahodni kancert u Biełaruskaj dziaržaŭnaj fiłarmonii.
Sustrakać razam Novy hod prapanoŭvajuć adrazu try alternatyŭnych tusovačnych placoŭki stalicy: Dogma na Kujbyšava, 22, Hide na Kastryčnickaj, 19 i Modul na Kastryčnickaj 16/3. Dźviery Christmas Treep adčyniacca z 22.00.
Jak varyjant možna taksama zavitać na rok-karaokie ŭ «Hrafici» a 23.00 ci na dyskateku 80-90-ch u Re:Public.
Na śviežym pavietry
Hałoŭnymi placoŭkami dla śviatkavańnia ŭ Minsku ŭ hetym hodzie buduć Pałac sportu i Vierchni horad.
Pačynajučy z 00.30 pieršaha studzienia, na pieršym punkcie abiacajuć śviatočnuju prahramu i biełaruskuju estradu staroha hartu: Irynu Darafiejevu i Alenu Łanskuju. Nie abydziecca i bieź Dzieda Maroza sa Śniahurkaj. Tut ža paśla hadziny nočy čakajecca mini-salut. Bolš padrabiazna pra prahramu ŭ stalicy afłajn až da siomaha studzienia my pisali tut.
U inšych haradach Biełarusi asnoŭny varušniak čakajecca na hałoŭnych centralnych jełkach.
Tyktok ź biełaruskim smakam: sabrali dla vas padborku cikavych ajčynnych kanałaŭ, za prahladam jakich možna bavić viečary
Saluty ŭ dvarach, Žyvie Biełaruś i Cichanoŭskaja z prajektara. Jak minčuki adznačali Novy hod-2021
