U sakaviku jaje adchilili ad pracy ŭ suviazi z vyjaŭlenaj invalidnaściu III hrupy i niepradastaŭleńniem indyvidualnaj prahramy reabilitacyi. U nastupnym miesiacy jana atrymała tuju samuju indyvidualnuju prahramu reabilitacyi invalida, adnak jaje zvolnili.
Žančyna źviarnułasia ŭ sud, jana prasiła pryznać adchileńnie ad pracy i zvalnieńnie niezakonnym, adnavić jaje na pracy, spahnać siaredni zarobak za čas vymušanaha prahułu, kampiensacyju maralnaj škody pamieram u 5 tysiač rubloŭ, sudovyja vydatki pa apłacie dapamohi pradstaŭnika (700 rubloŭ).
U vyniku sud Partyzanskaha rajona horada Minska pryznaŭ adchileńnie pazoŭnicy ad pracy niezakonnym i spahnaŭ ź internata na karyść žančyny zarobak za čas vymušanaha prahułu ŭ 8 189 rubloŭ, kampiensacyju maralnaj škody (200 rubloŭ), vydatki pa apłacie jurydyčnaj dapamohi (700 rubloŭ), a taksama pastanaviŭ adnavić jaje na pracy.
Usiaho było spahnana 9 089,54 rubloŭ, a taksama dziaržpošlina ŭ dachod dziaržavy ŭ pamiery 670,48 rubloŭ.
Adkazčyk, nie pahadziŭšysia z rašeńniem suda pieršaj instancyi, padaŭ apielacyjnuju skarhu, u jakoj prasiŭ admianić rašeńnie suda pieršaj instancyi.
Adnak sud pastanaviŭ, što była zroblenaja pravilnaja vysnova ab adsutnaści ŭ najmalnika padstaŭ dla zvalnieńnia. Adnak isk i kampiensacyja pieraličanyja: na karyść žančyny budzie spahnany siaredni zarobak za čas vymušanaha prahułu pamieram 7 tysiač 360 rubloŭ 10 kapiejek, dziaržaŭnaja pošlina ŭ dachod dziaržavy ŭ pamiery 629 rubloŭ.
